برسوں بعد نواز شریف اور اسامہ بن لادن کی ملاقات کا احوال سامنے آ گیا

اسلام آباد (اردو پوائنٹ تازہ ترین اخبار-23جولائی 2018ء) : برسوں بعد نواز شریف اور اسامہ بن لادن کی ملاقات کا احوال سامنے آ گیا۔نواز شریف کی اسامہ بن لادن کی ملاقات کے عینی شاہد نے بتایا کہ نواز شریف نے اسامہ بن لادن سے کہا کہ آپ ہمارے مائی باپ ہیں ،یہ کہہ کر نواز شریف نے اسامہ بن لادن کے پاوں پکڑ لئے۔تفصیلات کے مطابق عموما پاکستان کے سابق وزیراعلیٰ اور مسلم لیگ ن کے صدر شہباز شریف اور مسلم لیگ ن اکثر رہنما عمران خان کو طنز کے طور پر طالبان خان کہہ کر بلاتے ہیں۔

تاہم ایک صحافی نے نواز شریف اور اسامہ بن لادن کی ملاقات کا ایک ایسا احوال بتا دیا جس سے اب تک پردہ نہیں اٹھ سکا تھا۔

صحافی اسامہ بن لادن اور نواز شریف کی ملاقات کا چشم دید گواہ ہے۔

(جاری ہے)

نجی ٹی وی کو انٹرویو دیتے ہوئے اس صحافی کا کہنا تھا میں عمرے پر گیا تو اسامہ بن لادن نے مجھے بلایا اور کہا کہ تمہارا نواز شریف کے ساتھ کیا مسئلہ ہے تو میں نے انکو کہا کہ نواز شریف وعدے کا پابند نہیں ہے اور جھوٹا بھی ہے ،اس کے عزائم بہت آگے کے ہیں،میں اس لئیے مخالف ہوں ۔

اس پر اسامہ بن لادن نے کہا کہ نواز شریف یہاں موجود ہے اورآج مجھ سے ملنا چاہ رہا ہے تو میں چاہتا ہوں کہ تم وہاں موجود رہو جس پر میں نے یہ کہہ کر معذرت کی کہ اگر آپ کے نواز شریف سے معاملات طے نہ پا سکے تو وہ مجھے مورد الزام ٹھہرائیں گے۔اس موقع انکی ملاقات مدینہ منورہ کے گرین پیلس ہوٹل میں ہوئی جسے اب منہدم کیا جاچکا ہے۔اس پر انہوں نے کہا کہ آپ سامنے نہ آئیں بلکہ وہاں کیفے ٹیریا میں بیٹھے رہیں ۔

صحافی کا بتانا تھا کہ اس وقت نواز شریف اور اسامہ بن لادن کی ملاقات میں خالد خواجہ اور ایک اور صاحب بھی موجود تھے۔ اس موقع پر میاں صاحب نے انکو جیسے رام کیا مجھے اب تک یاد ہے۔نواز شریف نے یہ کہا کہ I also Love Jahad جس پر اسامہ ناراض ہو گئے تھے۔اس کے بعد میاں صاحب نے یہ کہہ کر اسامہ کے پاوں پکڑ لئیے کہ آپ ہمارے مائی باپ ہیں ۔صحافی نے مزید انکشاف کیا کہ اسامہ بن لادن ن نے انہیں بتایا کہ مجھ سے نواز شریف کی ڈیل طے ہو گئی ہے اور مجھ سے انہوں نے ڈیڑھ ارب روپے کے عوض ڈیل طے ہوئی ہے۔

اس صحافی نے مزید انکشاف کیا کہ جہاد کے نام لی گئی رقم میں سے 27 کروڑ روپیہ بعد میں محترمہ بینظیر بھٹو کی حکومت گرانے کے لیے استعمال ہوئے۔ایک کروڑ25 لاکھ مدینہ میں استعمال ہوگیا تھا جبکہ ایک کروڑ روپیہ ان کا ایک اور ساتھی کھا گیا تھا۔