Live Updates

این اے 171 سے مسلم لیگ (ن) کے امیدوار ریاض پیرزادہ نے میدان مار لیا

ریاض پیرزادہ 95 ہزار 500 ووٹ حاصل کر کے کامیاب ‘ مد مقال پی ٹی آئی کے چوہدری نعیم الدین نے 53109 ووٹ حاصل کئے

جمعرات 26 جولائی 2018 12:38

این اے 171 سے مسلم لیگ (ن) کے امیدوار ریاض پیرزادہ نے میدان مار لیا
بہاولپور(اُردو پوائنٹ اخبارتازہ ترین - آئی این پی۔ 26 جولائی2018ء) عام انتخابات 2018 کے جیسے جیسے نتائج سامنے آ رہے ہیں سیاسی جماعتوں کی پوزیشن بھی واضح ہوتی جا رہی ہے ،بہاولپور سے آنے والے غیر سرکاری و غیر حتمی مکمل نتیجے کے مطابق مسلم لیگ ن نے این اے 171 سے میدان مار لیا ہے۔

(جاری ہے)

این اے 171 بہاولپور کے مکمل 286 پولنگ اسٹیشنز کے غیرحتمی و غیر سرکاری نتائج کے مطابق مسلم لیگ (ن) کے ریاض پیرزادہ 95 ہزار 500 ووٹ حاصل کر کے کامیاب قرار پائے ہیں جب کہ ان کے مدمقابل تحریک انصاف کے امیدوار چوہدری نعیم الدین وڑائچ نے 53 ہزار 109 ووٹ حاصل کیے۔

واضح رہے کہ ریاض پیرزادہ 2013 کے الیکشن میں بھی مسلم لیگ ن کی طرف سے اسی سیٹ پر کامیاب ہوئے اور وفاقی وزیر رہے جبکہ ریاض پیرزادہ کھل کر نواز شریف اور مسلم لیگ ن کی پالیسیوں پر تنقید بھی کرتے رہے ہیں، مسلم لیگ ن کی حکومت کے ا?خری دنوں میں میڈیا پر ان کے پارٹی چھوڑنے کے حوالے سے بھی خبریں گردش کرتی رہی ہیں تاہم انہوں نے مسلم لیگ کے ٹکٹ پر ہی ایک بار پھر 2018 کے الیکشن میں کامیابی حاصل کر لی ہے۔
Live پاکستان تحریک انصاف سے متعلق تازہ ترین معلومات