جرمنی اور آسٹریلیا کی ٹیمیں ویمنز ورلڈ کپ ہاکی ٹورنامنٹ کوارٹر فائنل میں پہنچ گئیں

اتوار 29 جولائی 2018 19:40

لندن(اُردو پوائنٹ اخبارتازہ ترین - آئی این پی۔ 29 جولائی2018ء) جرمنی اور آسٹریلیا کی ٹیمیں پیش قدمی برقرار رکھتے ہوئے ایف آئی ایچ ویمنز ورلڈ کپ ہاکی ٹورنامنٹ کوارٹر فائنل میں پہنچ گئیں۔

(جاری ہے)

لندن میں جاری میگا ایونٹ میں گروپ سی میں کھیلے گئے ایک میچ میں جرمنی کی ویمن ٹیم نے شاندار کھیل پیش کرتے ہوئے سپین ویمن کو 3-1گولز سے ہرا کر فتوحات کی ہیٹرک مکمل کی اور اس کے ساتھ ہی کوارٹر فائنل میں پہنچنے کا اعزاز حاصل کیا، اسی گروپ میں ارجنٹائن اور جنوبی افریقہ ویمن کے درمیان کھیلا گیا میچ 1-1 گول سے برابر رہا، گروپ ڈی میں آسٹریلیا اور نیوزی لینڈ ویمن کے درمیان میچ 1-1گول سے برابری پر ختم ہوا، میچ ڈرا کھیلنے کی وجہ سے آسٹریلوی ٹیم نے 5 پوائنٹس کے ساتھ کوارٹر فائنل میں جگہ بنا لی، بیلجیئم نے جاپان کو 6-3 گولز سے شکست فاش سے دوچار کیا۔