ترکی نے شام کے موضوع پر سربراہی اجلاس کے انعقاد کا اعلان کر دیا

سات ستمبر کے اجلاس میں روس، فرانس ،جرمن رہنماؤں سے شامی حالات پر تبادلہ خیال کیا جائے گا،ترک صدر

پیر 30 جولائی 2018 14:12

انقرہ(اُردو پوائنٹ اخبارتازہ ترین - این این آئی۔ 30 جولائی2018ء) ترکی نے شام کے موضوع پر ایک سربراہی اجلاس بلانے کا اعلان کیا ہے۔ادھر پیر سے روسی شہر سوچی میں شام کے موضوع پر ایک دو روزہ اجلاس شروع ہوگیا جس میں روس کے علاوہ ترکی اور ایران شریک ہیں۔

(جاری ہے)

میڈیارپورٹس کے مطابق ترک صدر رجب طیب ایردوآن نے ایک بیان میں کہاکہ سات ستمبر کے اس اجلاس میں روس، فرانس اور جرمن رہنماؤں کے ساتھ مل کر شام کے حالات پر تبادلہ خیال کیا جائے گا۔ اس موقع پر انہوں نے مزید تفصیلات سے آگاہ نہیں کیا۔ دوسری جانب جرمنی، روس اور فرانس سے اس خبر کی تصدیق نہیں کی گئی ہے۔ادھر پیر سے روسی شہر سوچی میں شام کے موضوع پر ایک دو روزہ اجلاس شروع ہوگیا جس میں روس کے علاوہ ترکی اور ایران شریک ہیں۔