اپوزیشن جماعتوں کے پارلیمنٹ میں آنے کے فیصلے کا خیر مقدم کرتے ہیں،پاکستان تحریک انصاف

جمعہ 3 اگست 2018 00:40

اسلام آباد ۔ 2 اگست (اُردو پوائنٹ اخبارتازہ ترین - اے پی پی۔ 03 اگست2018ء) پاکستان تحریک انصاف نے کہا ہے کہ اپوزیشن جماعتوں کے پارلیمنٹ میں آنے کے فیصلے کا خیر مقدم کرتے ہیں،اپوزیشن جماعتوں کو اپنی سیاست کرنے کا حق حاصل ہے۔لیکن ہم اپوزیشن کو واضح طور پر کہہ چکے ہیں کہ ان کے جو بھی اعتراضات ہیں وہ سامنے لے کر آئیں ہم انہیں ضرور دیکھیں گے۔

ھم انکے پارلیمان میں آنے کے فیصلے کا بھی خیر مقدم کرتے ہیں۔

(جاری ہے)

جمعرات کو پاکستان تحریک انصاف کے مر کزی میڈیا سے جاری بیان کے مطابق ایک چھوٹی سی جماعت جے یو آئی فضل الرحمان گروپ کے فیصلے کو مسترد کرکے پیپلز پارٹی اور نون لیگ کا پارلیمان میں آنا خوش آئند ہے اور اسی طرح جمہوریت میں الائنس بنانا بھی ان کا جمہوری حق ہے ۔ سیاسی طور پر یا بیان بازی کیلئے تو ان کی بات ٹھیک ہے لیکن حکومت اور سپیکر تو اسی کو ہوگا جس کے نمبر زیادہ ہوں گے اور وہ تحریک انصاف کے ہیں۔ حزب اختلاف کی سیاست ساکھ اور نظریات سے عاری ہے چنانچہ ہمارے لئے کوئی خطرہ نہیں تحریک انصاف اکیلی جماعت ہے ۔