امریکا اپنے چینی قرضوں کی فکر کرے،اسد عمر کا منہ توڑ جواب

پاکستان کو فوری طور پر 12 ارب ڈالر کی ضرورت ہوگی، رقم کا بندوبست آئندہ 6 ہفتوں میں کرنا ہوگا،متوقع وزیر خزانہ کو عالمی جرید کو انٹرویو

ہفتہ 4 اگست 2018 16:02

امریکا اپنے چینی قرضوں کی فکر کرے،اسد عمر کا منہ توڑ جواب

اسلام آباد (اُردو پوائنٹ اخبارتازہ ترین - آن لائن۔ 04 اگست2018ء) پاکستان تحریک انصاف کے رہنما اسد عمر نے امریکہ کو منہ توڑ جواب دیتے ہوئے کہا امریکا ہماری فکر کم، خود چین سے لئے گئے قرضوں کی فکر کرے، چین کے ساتھ ہونے والے تمام معاہدوں کو منظر عام پر لایا جائے گا۔ متوقع وزیر خزانہ اسد عمر نے عالمی جریدے کو انٹرویو دیتے ہوئے کہا اعداد شمار کے مطابق اس وقت امریکا، چین کا لگ بھگ 1200 ارب ڈالر کا مقروض ہے جبکہ امریکا نے چاپان سے بھی 1000 ارب ڈالر قرض لیا ہوا ہے۔

(جاری ہے)

انہوں نے کہا گذشتہ 13 ماہ میں چین نے پاکستان کو آئی ایم ایف کے برابر قرض دیا۔اسد عمر کا کہنا تھا پاکستان کو فوری طور پر 12 ارب ڈالر کی ضرورت ہوگی، رقم کا بندوبست آئندہ 6 ہفتوں میں کرنا ہوگا، پاکستان آئی ایم ایف، دوست ممالک اور بانڈز جاری کرسکتا ہے، خراب معاشی صورتحال عمران خان کے لئے چیلنج ہے۔ ایک سوال کے جواب میں اسد عمر کا کہنا تھا کہ پاک چین اقتصادی راہ داری منصوبے میں شفافیت لائیں گے اور چین کے ساتھ ہونے والے تمام معاہدوں کو منظر عام پر لایا جائے گا۔