Live Updates

لاہورہائیکورٹ:این اے131میں دوبارہ گنتی کرنےکا فیصلہ محفوظ

ووٹوں کی دوبارہ گنتی ہوگی یا نہیں فیصلہ کچھ دیرمیں سنایا جائیگا،عمران خان اور خواجہ سعد رفیق کے ووٹوں میں ہار جیت کا چند سو ووٹوں کا فرق ہے۔میڈیا رپورٹس

Sanaullah Nagra ثنااللہ ناگرہ ہفتہ 4 اگست 2018 15:59

لاہورہائیکورٹ:این اے131میں دوبارہ گنتی کرنےکا فیصلہ محفوظ
لاہور(اُردوپوائنٹ اخبارتازہ ترین۔04 اگست 2018ء) : لاہور ہائیکورٹ نے این اے 131میں دوبارہ گنتی سے متعلق فیصلہ محفوظ کرلیا ہے، عمران خان اور خواجہ سعد رفیق کے انتخابی حلقے میں ووٹوں کی دوبارہ گنتی ہوگی یا نہیں عدالت نے فیصلہ محفوظ کرلیا ہے۔ میڈیا رپورٹس کے مطابق لاہور ہائیکورٹ کے جسٹس مامون الرشید نے خواجہ سعد رفیق کی دوبارہ گنتی کی درخواست پر سماعت کی۔

درخواست پرچیئرمین پی ٹی آئی عمران خان کیجانب سے وکیل بابراعوان اور ن لیگی رہنماء خواجہ سعد رفیق کیجانب سے وکیل اعظم نذیرتارڑنے دلائل دیے۔ اس موقع پرعدالت میں خواجہ سعد رفیق خود بھی ہیش ہوئے۔ وکیل خواجہ سعد رفیق نے اپنے دلائل میں بتایا کہ عمران خان اور خواجہ سعد رفیق کے ووٹوں میں چند سو کا فرق ہے۔ عمران خان اپنے بیان کوعملی جامہ پہنا دیتے توہائیکورٹ میں کوئی درخواست نہ آتی۔

(جاری ہے)

عمران خان نے کہا جو حلقے کہیں گے ان کو کھولا جائے گا۔ مسترد ووٹوں کی جانچ پڑتال کے بعد تھیلے کھولنے کا کہا تودرخواست مسترد کردی گئی۔ ریٹرننگ آفیسر نے کہا پہلے مسترد ووٹوں کی جانچ پڑتال کرلیں پھر دیکھتے ہیں۔ ریٹرننگ افسر کو حلقے میں ووٹوں کی دوبارہ گنتی کی درخواست دی تھی۔ ریٹرننگ افسر نے حقائق کے برعکس درخواست مسترد کر دی ہے۔ خواجہ سعد رفیق نے اپنی درخواست میں استدعا کی کہ عدالت این اے 131 میں دوبارہ ووٹوں کی گنتی کا حکم دے۔

وکیل نے کہا کہ سعد رفیق کی درخواست پرآر او کے مسترد کیے گئے ووٹوں کی جانچ ہڑتال کی گئی۔ حلقے کی صوبائی نشستوں پربھی دوبارہ گنتی کی گئی، ہمارے ووٹ بڑھے ہیں۔ ہائیکورٹ بنچ نے بہت سی درخواستوں پرووٹوں کی دوبارہ گنتی کا حکم دیا ہے۔ عدالت عالیہ نے بہت سی درخواستوں پرالیکشن کمیشن کوانتخابی نتائج جاری کرنے سے روکا ہے۔عدالت میں عمران خان کے وکیل بابراعوان نے اپنے دلائل میں کہا کہ ہمیں صرف نوٹس ملا کہ دوبارہ گنتی ہو رہی ہے پیش ہوجائیں۔ ریٹرننگ افسرنے ہمارا موقف سنے بغیرمسترد ووٹوں کی گنتی کا حکم دیا۔ تاہم عدالت نے دوبارہ گنتی کرنے یا نہ کرنے سے متعلق فیصلہ محفوظ کرلیا ہے۔فیصلہ کچھ دیر میں سنا دیا جائے گا۔
Live پاکستان تحریک انصاف سے متعلق تازہ ترین معلومات