دلیر مہندی کی انتخابات میں کامیابی پر عمران خان کو مبارکباد

مجھے پوری امید ہے عمران بھائی پاکستان کے لیے اور پوری دنیا کے لیے بہت اچھا کام کریں گے ،ْویڈیو پیغام

ہفتہ 4 اگست 2018 18:33

دلیر مہندی کی انتخابات میں کامیابی پر عمران خان کو مبارکباد

ممبئی(اُردو پوائنٹ اخبارتازہ ترین - این این آئی۔ 04 اگست2018ء) بھارت کے نامور پنجابی گلوکاردلیر مہندی نے تحریک انصاف کے چیئرمین عمران خان کو ایک ویڈیو پیغام کے ذریعے مبارکباد دی ہے۔

(جاری ہے)

سب سے پہلے تو دلیر مہندی نے عمران خان اورپوری پاکستانی عوام کو مبارکباد دی اور کہا رب بہت کمال کا دن لے کر آیا ہے۔ اس کے ساتھ ہی انہوں نے دونوں ملکوں کے تعلقات کے حوالے سے امید ظاہر کرتے ہوئے کہا دونوں ملکوں کے درمیان پیار محبت بڑھے یہی میری خدا سے دعا ہے۔اس کے علاوہ انہوں نے کہا کہ مجھے پوری امید ہے عمران بھائی پاکستان کے لیے اور پوری دنیا کے لیے بہت اچھا کام کریں گے۔