نگراں وزیرخزانہ کی آئی ایم ایف پیکیج تیاری دائرہ کار سے تجاوز ہے ،ْ رضا ریانی

امریکہ پاکستان کا مخصوص کردار چاہتا ہے، نئی حکومت آئی ایم ایف کے پاس جانے والا اقدام نہ اٹھائے ،ْ سابق چیئر مین سینٹ

پیر 6 اگست 2018 14:32

نگراں وزیرخزانہ کی آئی ایم ایف پیکیج تیاری دائرہ کار سے تجاوز ہے ،ْ ..

اسلام آباد (اُردو پوائنٹ اخبارتازہ ترین - این این آئی۔ 06 اگست2018ء) سابق چیئرمین سینیٹ رضاربانی نے نگراں وزیرخزانہ کے آئی ایم ایف پیکیج کی تیاری پر سامنے آنے والے بیان پر اپنے ردعمل کا اظہار کرتے ہوئے کہا ہے کہ نگراں وزیرخزانہ نے آئی ایم ایف کا پیکیج تیار کیا ہے تو یہ قانونی دائرہ کار سے تجاوز ہے۔

(جاری ہے)

ایک بیان میں انہوں نے کہا کہ آئی ایم ایف کے پاس جانا تباہ کن ہوگا، امریکی وزیر خارجہ کے بیان سے واضح ہے کہ آئی ایم ایف سامراجی قوتوں کا آلہ کار ہے۔

میاں رضاربانی کا کہنا ہے کہ سامراجی طاقتیں آئی ایم ایف اور دیگر اداروں کو استعمال کرتی ہیں، امریکہ کا ایجنڈا ہے کہ خطے میں اختلافات قائم رکھے۔انہوں نے کہا کہ امریکہ پاکستان کا مخصوص کردار چاہتا ہے، نئی حکومت آئی ایم ایف کے پاس جانے والا اقدام نہ اٹھائے