شاہد آفریدی فٹنس مسائل کے باعث کیریبین پریمیئر لیگ سے دستبردار

جمعرات 9 اگست 2018 14:34

اسلام آباد ۔09 اگست(اُردو پوائنٹ اخبارتازہ ترین - اے پی پی۔ 09 اگست2018ء) پاکستانی ٹیم کے سابق سٹار آل رائونڈر شاہد خان آفریدی فٹنس مسائل کے باعث کیریبین پریمیئر لیگ سے دستبردار ہو گئے، انہوں نے ایونٹ میں جمیکا تلاواز کی نمائندگی کرنا تھی۔

(جاری ہے)

آفریدی رواں برس منعقدہ پاکستان سپر لیگ کے دوران گھٹنے کی انجری کا شکار ہوئے تھے۔ سٹار کرکٹر نے سماجی رابطوں کی ویب سائٹ ٹویٹر پر اس بات کا اعلان کیا، انہوں نے کہا کہ وہ تاحال بحالی صحت کے عمل سے گزر رہے ہیں جس کی وجہ سے کیریبین پریمیئر لیگ میں شرکت نہ کرنے کا فیصلہ کیا، لیگ میں حصہ نہ لینے کی وجہ سے مایوسی ہو رہی ہے لیکن میں ٹیم کی کامیابیوں کیلئے دعا گو رہوں گا۔