نئے میدان جنگ کے لیے سپیس فورس کے قیام کا وقت آ گیا ہے،امریکہ

جمعہ 10 اگست 2018 12:56

واشنگٹن۔10 اگست(اُردو پوائنٹ اخبارتازہ ترین - اے پی پی۔ 10 اگست2018ء) امریکی نائب صدر مائیک پنس نے امریکی سپیس فورس کے منصوبے کی تفصیلات بتاتے ہوئے کہا ہے کہ اب وقت آ گیا ہے کہ نئے میدان جنگ کے لیے تیاریاں کی جائیں۔بین الاقوامی زرائع ابلاغ کے مطابق ملکی سپیس فورس کے قیام کا حکم امریکی صدر ڈونلڈ ٹرمپ نے جون میں دیا تھا۔

(جاری ہے)

اپنے ایک بیان میں ٹرمپ نے کہا تھا کہ وزارت دفاع کے لیے ضروری ہے کہ وہ خلا میں کمزوریوں کا حل نکالے اور امریکی غلبے کو یقینی بنائے۔

مبصرین کا کہنا ہے کہ اہم سپیس فورس کا قیام اتنا آسان نہیں ہے کیونکہ اس کے قیام کے لیے کانگریس کی منظوری کی ضرورت ہے۔ کانگریس میں کئی ممبران نے اس فورس کے قیام پر آنے والے تخمینے اور بیوروکریسی کے حوالے سے تحفظات کا اظہار کیا ہے۔تاہم مائیک پنس نے اس خواہش کا اظہار کیا کہ یہ فورس ٹرمپ انتظامیہ کے پہلے دورِ حکومت کے اختتام سے قبل قیام میں آ جائے ۔

Facebook Twitter Google + Share on Whatsapp

نئے میدان جنگ کے لیے سپیس فورس کے قیام کا وقت آ گیا ہے،امریکہ

متعلقہ عنوان :

مزید بین الاقوامی خبریں