جیل میں قید نواز شریف نے پاکستان تحریک انصاف کے خلاف اہم فیصلہ کر لیا
نواز شریف اتحادیوں کے ساتھ مل کر تحریک انصاف کے خلاف احتجاجی تحریک تیز کریں گے
سمیرا فقیرحسین ہفتہ 11 اگست 2018 11:08
(جاری ہے)
نوازشریف اور مریم نواز نے شہباز شریف کی بجائے محمود اچکزئی، اسفند یار ولی اور ن لیگ کے اندر اپنے دھڑے کے ذریعے پاکستان تحریک انصاف کی ممکنہ حکومت ، اسٹیبلشمنٹ اور عدلیہ کے خلاف احتجاجی تحریک تیز کرنے کا فیصلہ کر لیا ہے۔
ذرائع کے مطابق اڈیالہ جیل میں ملاقات کے دوران شہبازشریف نے نوازشریف کو یہ بآور کروانے کی کوشش کی کہ موجودہ سیاسی صورتحال میں اداروں کے ساتھ تصادم کی بجائے ہمیں پارٹی کو بچانا چاہئیے اور حالات کے مطابق چل کر کچھ معاملات پر سمجھوتہ کرلینا چاہئیے۔ لیکن پارٹی کے صدر شہبازشریف کی اس تجویز کو نواز شریف اور مریم نواز نے نہ صرف مسترد کیا بلکہ انہوں نے یہ بھی واضح طور پر کہہ د یا کہ کچھ بھی ہو جائے اب یہ محاذ آ رائی اپنے انجام کو پہنچے گی۔ نوازشریف نے شہباز شریف کے اسلام آ باد میں متحدہ اپوزیشن کے احتجاج میں نہ پہنچنے پر بھی سخت ناراضی کا اظہار کیا اور کہا کہ ایسا کر کے آپ نے کیا پیغام دینے کی کوشش کی ہے؟ اس سے ہماری جگ ہنسائی ہوئی ہے اور ہمارے اتحادی بھی اس بات پر ناراض ہیں۔ آ پ کس کو خوش کرنے کے لیے اسلام آ باد احتجاج میں نہیں پہنچے ؟ ذرائع نے بتایا کہ شہباز شریف اس بات پر نواز شریف کو وضاحتیں پیش کرتے رہے ۔ با وثوق ذرائع کا کہنا ہے کہ نوازشریف نے محمود اچکزئی ، غلام بلوراور ن لیگ کے اپنے خاص ساتھیوں کو یہ ٹارگٹ دیا ہے کہ کسی قسم کے سمجوتے کی طرف نہیں جانا ، احتجاجی تحریک کو مزید تیز کردیں۔ ذرائع کے مطابق شہباز شریف ملاقات کر کے واپس جانے لگے تو انہوں نے نوازشریف سے کہا میں آ پ کے حکم کی تعمیل کروں گا تاہم بعد میں بھی شہباز شریف قریبی سا تھیوں کو یہ کہتے رہے کہ ہمیں جذبات کی بجائے حکمت عملی سے چلنا چاہئیے۔ ان کی اس ملاقات کا احوال جاننے کے بعد سیاسی مبصرین کا کہنا ہے کہ نواز شریف اور شہباز شریف ، دونوں بھائیوں کے بیانیے میں زمین آسمان کا فرق ہے اور بیانیے میں اس فرق کی وجہ سے ہی مسلم لیگ ن کو الیکشن میں شکست کا سامنا کرنا پڑا ، اگر دونوں بھائیوں کے بیانیے میں اسی طرح اختلاف رہا تو وہ دن دور نہیں جب ملسم لیگ ن میں دھڑے بندی عروج پر پہنچ جائے گی۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.