ْعام انتخابات کے دوران آر ٹی ایس کی ناکامی بارے الیکشن کمیشن نے ابتدائی رپورٹ مرتب کر لی

موبائل اور انٹرنیٹ سروس ہونے کے باوجود 50ہزار سے زائد پولنگ اسٹیشنز پرآر ٹی ایس ایپلی کیشن نے کام چھوڑ دیا تھا،ابتدائی رپورٹ

ہفتہ 11 اگست 2018 21:42

ْعام انتخابات کے دوران آر ٹی ایس کی ناکامی بارے الیکشن کمیشن نے ابتدائی ..

کراچی(اُردو پوائنٹ اخبارتازہ ترین - این این آئی۔ 11 اگست2018ء) حالیہ عام انتخابات کے دوران رزلٹ ٹرانسمشن سسٹم (آر ٹی ایس)کی ناکامی کے بارے میں الیکشن کمیشن آف پاکستان نے ابتدائی رپورٹ مکمل کر لی ہے جس کے مطابق50ہزار سے زائد پولنگ اسٹیشنز پر آر ٹی ایس ایپلی کیشن کام نہیں کر رہی تھی۔ذرائع کے مطابق الیکشن کمیشن کی ابتدائی رپورٹ میں بتایا گیا ہے کہ موبائل اور انٹرنیٹ سروس ہونے کے باوجود 50ہزار سے زائد پولنگ اسٹیشنز پرآر ٹی ایس ایپلی کیشن نے کام چھوڑ دیا تھا، کئی پریذائڈنگ افسروں نے اسے دوبارہ انسٹال کر کے انتخابی نتائج ارسال کیے۔

(جاری ہے)

ذرائع نے اس ضمن میں بتایاکہ ریٹرننگ افسروں نے تمام پریذائڈنگ افسروں سے رپورٹ حاصل کر کے الیکشن کمیشن کو بھجوا دی ہے، الیکشن کمیشن کی رپورٹ آرٹی ایس تحقیقاتی کمیٹی کے سامنے پیش کی جائے گی۔25 جولائی کو رات 11 بجے کے بعد آرٹی ایس ایپ نے کام چھوڑ دیا تھا جس کی وجہ سے ریٹرننگ افسروں تک پولنگ اسٹیشنز کے نتائج بروقت نہ پہنچ سکے، اپوزیشن کی تمام جماعتوں نے اس حوالے سے احتجاج بھی کیا تھا۔الیکشن کمیشن نے آر ٹی ایس ایپ کی ناکامی کی وجوہات معلوم کرنے کے لیے ایک تحقیقاتی کمیٹی قائم کی تھی جو اپنی تحقیق مکمل کر کے الیکشن کمیشن کو پیش کرے گی۔