امریکا کو شرم آنی چاہیے ایک پادری کی خاطر تعلقات خراب کر رہا ہے،ترک صدر

کبھی بھی امریکی دھمکیوں میں نہیں آئیں گے،اقتصادی جنگ میں ترکی فتح مند ہو گا، ایردوآن کا انٹرویو

اتوار 12 اگست 2018 12:10

انقرہ (اُردو پوائنٹ اخبارتازہ ترین - این این آئی۔ 12 اگست2018ء) ترک صدر رجب طیب ایردوآن نے اس عزم کا اظہار کیا ہے کہ امریکا کے ساتھ شروع ہونے والی اقتصادی جنگ میں انجام کار اٴْن کے ملک کو فتح اور امریکا کو شکست ہو گی،غیرملکی خبررساں ادارے کو دیئے گئے اپنے ایک انٹرویومیں ترک صدر نے اقتصادی جنگ کے نتائج سے بھی خبردار کیا ، ایردوآن نے کہا کہ وہ امریکی دھمکیوں میں نہیں آئیں گے۔

(جاری ہے)

انہوں نے کہا کہ امریکا اور ترکی کے تعلقات خطرے میں پڑ سکتے ہیں۔ انہوں نے خبردار کیا کہ یوں ترکی نئے اتحادیوں کی تلاش شروع کر سکتا ہے۔ ترکی میں قید امریکی پادری اور دیگر سفارتی معاملات پر ان دونوں ممالک میں کشیدگی بڑھتی جا رہی ہے۔ ایردوآن نے کہا کہ امریکا کو شرم آنا چاہیے کہ وہ ایک پادری کی خاطر نیٹو اتحادی ملک سے تعلقات خراب کر رہا ہے۔

متعلقہ عنوان :