بھارت کنٹرول لائن پر آئے روز بلا اشتعال فائرنگ کرکے شہریوں کو نشانہ بنا رہا ہے، لوگوں کے حوصلے بلند ، یہ لوگ پاک فوج کے شانہ بشانہ کھڑے ہیں ، بڑی جوانمردی اور بہادری سے دشمن کا مقابلہ کر رہے ہیں
صدر آزاد جموں وکشمیر سردار مسعود خان کا تتہ پانی کے مقام پر عوامی اجتماع سے خطاب
اتوار 12 اگست 2018 17:40
(جاری ہے)
صدر نے کہا کہ وہ متاثریں کنٹرول لائن کی ہر ممکن مدد کریں گے ان کے نقصانات کا اژالہ کیا جائے گا۔ آرٹیکل 35-Aکی منسوخی ، جنیوا کنونشن ، اقوام متحدہ کی قراردادوں اور بین الاقوامی عدالت انصاف کے فیصلوں کی صریحاً خلاف ورزی ہے۔
تتہ پانی کے لوگوں کے مسائل ترجیحی بنیادوں پر حل کریں گے۔ صدر نے کہا کہ آزادکشمیر کا یہ خطہ ہمارے بزرگوں نے بے پناہ قربانیاں دے کر آزاد کروایا۔ لیکن آج مقبوضہ کشمیر کے ہمارے بہن بھائی ہندوستانی جارحیت کا شکار ہیں ۔ ہندوستانی افواج نے وہاں ظلم و ستم کا بازار گرم کر رکھا ہے ۔ وہاں خواتین کی عصمت دری کی جاتی ہے ۔ سرچ آپریشن کے بہانے خواتین کو جنسی تشدد کا نشانہ بنایا جاتا ہے۔ پیلٹ گن کے استعمال سے نوجوانوں اور بچوں کو بینائی سے محروم کیا جا رہا ہے ۔ حریت قیادت کو پرامن احتجاج کرنے پر پابند سلاسل کیا جاتا ہے ۔ مسعود خان نے کہا کہ اقوام متحدہ کمشنر برائے انسانی حقوق کی حالیہ رپورٹ نے مقبوضہ کشمیر میں بھارت کی جانب سے انسانی حقوق کی سنگین خلاف ورزیوں کو بے نقاب کیا ہے اور سپیشل پاورز ایکٹ ، پبلک سیفٹی ایکٹ جیسے کالے قوانین کو فوری طور پر منسوخ کرنے کی سفارش کی ہے۔ اقوام متحدہ کے انسانی حقوق کے کمشنر رادالحسین نے یہ سفارش بھی کی ہے کہ ایک غیر جانبدارانہ کمیشن مقبوضہ کشمیر جا کر وہاں صورت حال کا جائزہ لے لیکن ہندوستان نے ہمیشہ ہٹ دھرمی کا مظاہرہ کرتے ہوئے ہمیشہ بین الاقوامی اداروں اور تنظیمیوں کو مقبوضہ کشمیر تک رسائی دینے سے انکار کیا ۔ انہوں نے کہا کہ ہمیں پاکستان اور آزادکشمیر کے تارکین وطن کو مسئلہ کشمیر کے حوالے سے مزید متحرک کرنے کی ضرورت ہے۔ آزادکشمیر کی تعمیر و ترقی کے حوالے سے بات چیت کرتے ہوئے انہوں نے کہا کہ آزادکشمیر ترقی کی شاہراہ پر تیزی سے گامزن ہے اور آزادکشمیر کی موجودہ حکومت یہاں روڈ انفراسٹرکچر کو تیزی سے بہتر بنا رہی ہے۔ ٹوررزم کو فروغ دینا حکومت کی ترجیحات میں شامل ہے ۔ معیاری تعلیمی سہولیات ، طبی سہولتیں ، زراعت کا استحکام، پن بجلی کی پیداوار پر خصوصی توجہ دی جا رہی ہے۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.