آنجھانی امریش پوری کے پوتے بھی فلم میں ہیرو بننے کے لیے تیار

فلم کی شوٹنگ رواں برس کے اختتام تک شروع ہونے کا امکان ‘ آئندہ برس ریلیز کیا جائے گا

پیر 13 اگست 2018 12:33

آنجھانی امریش پوری کے پوتے بھی فلم میں ہیرو بننے کے لیے تیار

ممبئی (اُردو پوائنٹ اخبارتازہ ترین - این این آئی۔ 13 اگست2018ء) متعدد سینیئر اداکاروں کی تیسری نسل بھی اب شوبز انڈسٹری کا حصہ بن چکی ہے۔بولی وڈ میں جہاں ہیروز کے بیٹے ولن اور ہیروئنز کی بیٹیاں گینگسٹر بنتی نظر آتی ہیں، وہیں کچھ ولن کے بچے ہیرو بھی بنتے دکھائی دیتے ہیں۔جس طرح بولی وڈ کے ولن شکتی کپور کی بیٹٰی شردھا کپور نے ہیروئن بن کر اپنا نام کمایا، اسی طرح اب ہندی فلموں کے ایک اور معروف اور سب سے بڑے ولن آنجھانی امریش پوری کے پوتے بھی فلم میں ہیرو بننے کے لیے تیار ہیں۔

آنجھانی اداکار امریش پوری کے پوتے وردھن پوری جلد ہی ایک رومانٹک تھرلر فلم میں ہیرو کے روپ میں نظر آئیں گے۔ایسٹرن آئی کی رپورٹ کے مطابق ورھون پوری جلد ہی ہولی وڈ کی 2014 میں ریلیز ہونے والی تھرلر سائیکو فلم گان گرل کے ہندی ریمیک میں کام کرتے نظر آئیں گے۔

(جاری ہے)

اگرچہ ابھی فلم کا نام سامنے نہیں آیا اور نہ ہی فلم کی دیگر مرکزی کاسٹ کے حوالے سے کوئی تفصیلات سامنے آئی ہیں، تاہم امکان ہے کہ رواں برس کے آخر تک فلم کی مکمل تفصیلات سامنے آ جائیں گی۔رپورٹ کے مطابق وردھن پوری فلم ساز جیانتی لال گدا کی فلم سے ڈیبیو کریں گے۔فلم کی شوٹنگ رواں برس کے اختتام تک شروع ہونے کا امکان ہے اور اسے آئندہ برس کی پہلی سہ ماہی میں ریلیز کیا جائے گا۔