پاک فوج کا یوم آزادی پر قوم کو تحفہ‘ملک بھر میں 20لاکھ پودے لگائے

منگل 14 اگست 2018 09:50

راولپنڈی ۔ (اُردو پوائنٹ اخبارتازہ ترین - اے پی پی۔ 14 اگست2018ء) پاک فوج کا یوم آزادی پر قوم کو تحفہ‘ملک بھر میں پاک فوج نے 20لاکھ پودے لگائے ۔پاک فوج کے شعبہ تعلقات عامہ(آئی ایس پی آر) کے ڈائریکٹر جنرل ‘میجر جنرل آصف غفور کے ٹوئیٹ کے مطابق قومی شجر کاری مہم میں بھرپور شرکت کی گئی ہے ۔

(جاری ہے)

آرمی چیف اور انکی اہلیہ نے ملک گیر ‘سرسبز و شاداب پاکستان’ مہم کا آغاز کیا۔پیر کو ملک بھر میں پاک فوج نے 20 لاکھ پودے لگائے ۔پاک فوج نے پاکستانیوں سے قومی مہم میں بھر پور شرکت کی اپیل کی ہے ۔پاک فوج کے سربراہ جنرل قمر جاوید باجوہ نے کہا کہ درخت زندگی ہیں‘ درخت لگائیں زندگی بچائیں۔