71 واں یوم آزادی،وفاقی دارالحکومت میں31، صوبائی دارالحکومتوں میں 21، 21 توپوں کی سلامی دی گئی

منگل 14 اگست 2018 09:50

اسلام آباد ۔ (اُردو پوائنٹ اخبارتازہ ترین - اے پی پی۔ 14 اگست2018ء) 71 ویں یوم آزادی کے موقع پر ملک بھر میں دن کا آغاز مساجد میں نماز فجر کے بعد ملکی ترقی، سلامتی ، خوشحالی اور یکجہتی کے لئے دعائوں کے ساتھ ساتھ وفاقی دارالحکومت اسلام آباد میں 31 جبکہ صوبائی دارالحکومتوں میں اکیس اکیس توپوں کی سلامی سے ہوا۔

(جاری ہے)

یوم آزادی کے پر مسرت موقع پر کشمیری عوام کی طویل جدوجہد کی کامیابی کے لیے خصوصی دعا ئیں بھی کی گئیں۔ اس اہم دن کی مناسبت سے صدر مملکت، وزیراعظم اور اہم شخصیات کی طرف سے خصوصی پیغامات بھی جاری کئے گئے۔