اٹلی نے مہاجرین کے بحری جہاز کو لنگر انداز ہونے کی اجازت نہیں دی

منگل 14 اگست 2018 11:22

روم ۔ (اُردو پوائنٹ اخبارتازہ ترین - اے پی پی۔ 14 اگست2018ء) اٹلی کی حکومت نے ایک مرتبہ پھر غیر قانونی مہاجرین کے بحری جہاز کو اپنی کسی بھی بندرگاہ پر لنگرانداز ہونے کی اجازت دینے سے انکار کر دیا ہے۔

(جاری ہے)

جرمن نشریاتی ادارے کے مطابق اکویریس نامی اس بحری جہاز کو فرانس اور جرمنی سے تعلق رکھنے والی دو غیر سرکاری تنظیمیں کنٹرول کرتی ہیں۔ ان مہاجرین کو اس امدادی بحری جہاز نے دو مختلف مقامات پر کیے گئے آپریشنز کے دوران جہاز پر منتقل کیا تھا۔ مالٹا حکام نے بھی جہاز کو لنگر انداز ہونے کی اجازت دینے سے انکار کر دیا ہے اور ہسپانوی حکام کے مطابق اٴْس کی بندرگاہیں ایسے کسی بحری جہاز کے لیے محفوظ نہیں ہیں۔