کل جماعتی حریت کانفرنس آزاد کشمیر شاخ کی طرف سے پاکستانی حکومت اورعوام کو یوم آزادی کی مبارکباد

منگل 14 اگست 2018 20:32

اسلام آباد (اُردو پوائنٹ اخبارتازہ ترین - این این آئی۔ 14 اگست2018ء) کل جماعتی حریت کانفرنس آزادکشمیر شاخ نے یوم آزادی پر پاکستان کی حکومت اور عوام کو مبارکباد دی ہے۔

(جاری ہے)

کشمیر میڈیا سروس مطابق اے پی ایچ سی آزادکشمیر شاخ نے آج اسلام آباد میں منعقدہ ایک اجلاس میں کہاکہ کشمیری عوام کل بھارت کے یوم آزادی کو یوم سیاہ کے طورپر منائیں گے تاکہ دنیا کو یہ باور کرایا جائے کہ بھارت نے جموں و کشمیر پر ناجائز قبضہ کررکھا ہے۔ اجلاس کی صدارت کل جماعتی حریت کانفرنس آزاد کشمیر شاخ کے کنوینر غلام محمد صفی نے کی۔انہوں نے کہا کہ جموں وکشمیر پر بھارت کے جابرانہ قبضے کے خلاف کل آزادکشمیر، پاکستان اور دنیا بھر میں بھارت کے خلاف احتجاجی مظاہرے کئے جائیں گے۔