ہالی ووڈ فلم’’دی میگ‘‘نے 45اعشاریہ 4 ملین ڈالر کما کر میدان مارلیا

بدھ 15 اگست 2018 12:13

نیویارک (اُردو پوائنٹ اخبارتازہ ترین - این این آئی۔ 15 اگست2018ء) ہالی ووڈ باکس آفس پر اس ہفتیایکشن اور ایڈونچرسے بھرپورایک دیو ہیکل شارک پربنائی گئی نئی فلم ’دی میگ‘ نے ’مشن امپاسبل فال آئوٹ‘کودوسرے نمبر پر دھکیلتے ہوئے باکس آفس پر قبضہ جما لیاجبکہ ’کرسٹوفر رابن‘ تیسرے نمبر پر رہی ہے۔

(جاری ہے)

دنیا بھر کے فلمی شائقین پر اس ہفتے 70فٹ لمبی خونخوار شارک کا راج رہا، فلم’دی میگ‘نے اب تک 45اعشاریہ 4 ملین ڈالر کما کر میدان مارلیا ہے۔مشن امپاسبل فال آئوٹ‘20 ملین ڈالر کا بزنس کر کے دوسرے جبکہ ’کرسٹوفر رابن‘13 ملین ڈالر کما کر تیسرے نمبر پر ہے۔