ٹرمپ کا خلائی فوج کا منصوبہ، علامتی سیاست ہے‘ فابیان اشمٹ
سوویت یونین نے اپنا سپوتنک سیٹلائٹ 1957 میں خلا میں روانہ کیا تھا‘ یوں سوویت یونین خلائی مشن بھیجنے میں امریکا سے بازی لے گیا نہ تو ایک حلقے کی امیدیں اور نہ ہی دوسروں کے خدشات ٹرمپ کے اس فیصلے سے پورے ہو سکیں گے کیونکہ کچھ بھی تبدیل نہیں ہو گا‘تبصرہ نگار
بدھ 15 اگست 2018 12:39
(جاری ہے)
یہ منصوبہ ہماری مواصلات، نگرانی اور نیویگیشن کے ڈھانچے کو تحفظ فراہم کرے گا۔
ساتھ ہی اس کے باعث سائبر حملوں سبے بھی بچا جا سکے گا۔ دوسری جانب ناقدین ہیں، جنہیں خدشہ ہے کہ اس طرح خلا فوجی چھاؤنی میں تبدیل ہو جائے گی۔ اس کے علاوہ بین الاقوامی خلائی مرکز ’آئی ایس ایس‘ میں جو مثالی عالمی تعاون اور اس مرکز میں سویلین مقاصد کے لیے جاری تحقیق کے بھی متاثر ہونے کا خطرہ بڑھ جائے گا۔ فابیان اشمٹ کے مطابق نہ تو ایک حلقے کی امیدیں اور نہ ہی دوسروں کے خدشات ٹرمپ کے اس فیصلے سے پورے ہو سکیں گے کیونکہ کچھ بھی تبدیل نہیں ہو گا۔ڈوئچے ویلے کے تبصرہ نگار مزید لکھتے ہیں کہ ایک طویل عرصے سے خلائی مرکز میں تحقیق فوجی تعاون سے آگے بڑھ رہی ہے۔ اس کی مثال یہ ہے کہ راکٹ ٹیکنالوجی کی بنیاد فوجی تحقیق ہی ہے۔ اس کا آغاز نازی آڈولف ہٹلر کے نام نہاد سپر ہتھیار ’وی ٹو‘ کے ساتھ ہوا تھا، جو طویل فاصلے تک اپنے ہدف کو نشانہ بنانے کی صلاحیت رکھنے والا پہلا میزائل تھا۔ اس کے بعد راکٹ ٹیکنالوجی اور انجینیئرز فوری طور پر سابقہ سوویت یونین چلے گئے۔ امریکا نے بھی ’وی ٹو‘ ٹیکنالوجی بنانے والوں سے فائدہ اٹھایا۔ ان میں سے سب سے مشہور ویرنہر فان براؤن تھے۔ دوسری جانب آج بھی سیٹیلائٹ نیویگیشن کو ہنگامی طور پر آن آف کرنے کا بٹن فوج کے ہاتھ میں ہی ہے۔آج بھی خلا میں تمام تر امریکی سرگرمیاں ملکی فضائیہ کی قیادت میں جاری ہیں تاہم اس کا کچھ حصہ نیوی کے پاس بھی ہے۔ اس کے علاوہ امریکی فضائیہ زمینی مدار میں اپنے عسکری بنیادی ڈھانچے کو تحفظ فراہم کرنے کے لیے اپنی تمام تر طاقت استعمال کر رہی ہے۔ فابیان اشمٹ اپنے تبصرے میں لکھتے ہیں کہ اب مزید کیا تبدیلی آ سکتی ہے، کیا ’یو ایس اسپیس کمانڈ‘ یہ نئی ذمہ داری ایئر فورس سے لے لی گی۔امریکی خلائی مرکز ناسا، جوسویلین مقاصد کے لیے جاری تحقیقی سرگرمیوں کا ذمہ دار ادارہ ہے، اپنا کام پہلے کی طرح جاری رکھے گا۔ ساتھ ہی بین الاقوامی تعاون آگے بھی اسی ادارے کے توسط سے جاری رہے گا۔ سوویت یونین نے اپنا سپوتنک سیٹلائٹ سن 1957 میں خلا میں روانہ کیا تھا۔ یوں سوویت یونین خلائی مشن بھیجنے میں امریکا سے بازی لے گیا اور امریکا کو یہ خدشہ لاحق ہو گیا کہ خلا میں سویت یونین کا غلبہ قائم ہو جائے گا۔ تب ہی امریکی فوج نے انتیس جولائی کو ایکسلپورر وًن نامی سیٹلائٹ خلا میں بھیجا اور پھر اسی سال اکتوبر میں ناسا کی بنیاد رکھی گئی تھی۔اشمٹ کے بقول فوری طور پر کوئی نیا ’اسٹار وارز پروگرام ‘ شروع نہیں کیا جا سکتا۔ موجودہ میزائل شکن نظام صرف کم اور درمیانی درجے میزائلوں کو فضا میں تباہ کرنے کی صلاحیت رکھتے ہیں۔ فی الحال ایسی کوئی بھی ٹیکنالوجی موجود نہیں ہے، جو بین البراعظمی میزائلوں کے خطرے کو ٹال سکے۔’یو ایس اسپیس کمانڈ‘ کا منصوبہ تاہم اس صورتحال کو بدل نہیں سکے گا۔ تاہم ایک چیز جو لازماً فوری طور پر بدلے گی وہ ’یو ایس اسپیس کمانڈ‘ اور ایئر فورس کے مابین دائرہ اختیار کار کے امور ہوں گے اور اس کے ساتھ اخراجات میں نمایاں اضافہ ہو گا۔مزید بین الاقوامی خبریں
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
آسٹریلیا کی شہریوں کو تو اسرائیل اور فلسطینی علاقوں کو چھوڑ نے کی ہدایت
-
امریکا نے اقوام متحدہ کی مکمل رکنیت کی فلسطینی درخواست کو ویٹو کردیا، فلسطین کی شدید مذمت
-
اسرائیلی وزیراعظم کے وارنٹ گرفتاری جاری ہونے کا امکان
-
فلسطین کی اقوام متحدہ کی رکنیت، امریکا نے درخواست ویٹو کردی
-
فلسطینی صدر نے امریکی ویٹو کی مذمت کردی
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
عالمی منڈی میں تیل کی قیمتوں میں 4 فیصدسے زائد کا اضافہ ریکارڈ، بٹ کوئن اور سونا بھی متاثر
-
ناسا کے سربراہ کا خلا میں چینی فوج کی موجودگی کا دعویٰ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.