احتساب عدالت ،ْ نوازشریف کو بکتر بند گاڑی کی بجائے لینڈ کروز ر میں پیش کیا گیا

گزشتہ سماعت پر نوازشریف کو بکتر بند میں عدالت منتقل کرنے پر شہباز شریف نے نگراں وزیراعظم کو خط لکھا تھا

بدھ 15 اگست 2018 13:47

احتساب عدالت ،ْ نوازشریف کو بکتر بند گاڑی کی بجائے لینڈ کروز ر میں پیش ..

راولپنڈی(اُردو پوائنٹ اخبارتازہ ترین - این این آئی۔ 15 اگست2018ء) سابق وزیراعظم نوازشریف کو العزیزیہ اسٹیل ملز اور فلیگ شپ انویسٹمنٹ میں احتساب عدالت میں بکتر بند گاڑی کی بجائے لینڈ کروز رمیں پیش کیا گیا ۔

(جاری ہے)

بدھ کو سابق وزیراعظم نوازشریف کو العزیزیہ اسٹیل ملز اور فلیگ شپ انویسٹمنٹ ریفرنسز میں احتساب عدالت میں پیش کردیا گیا، احتساب عدالت نمبر دو کے جج ارشد نے ملک کیس نے سماعت کی ،سابق وزیر اعظم نوازشریف کو اس بار بکتر بند کے بجائے لینڈ کروزر میں اڈیالہ جیل سے احتساب عدالت منتقل کیا گیا، اس موقع پر جوڈیشل کمپلیکس کے اطراف سیکیورٹی کے انتہائی سخت انتظامات کیے گئے تھے ،ْ سابق وزیراعظم کی پیشی کے موقع پر شہبازشریف، خواجہ آصف، احسن اقبال، راناثنااللہ اور مریم اورنگزیب بھی احتساب عدالت میں پہنچے۔

گزشتہ سماعت پر نوازشریف کو بکتر بند میں عدالت منتقل کرنے پر شہباز شریف نے نگراں وزیراعظم کو خط لکھا تھا جس میں کہا گیا تھا کہ نواشریف کے ساتھ توہین آمیز رویہ فوری رکوایا جائے۔واضح رہے کہ احتساب عدالت نے ایون فیلڈ ریفرنس میں نوازشریف کو10 سال قید بامشقت اور80 لاکھ برطانوی پاؤنڈ جرمانے کی سزا سنائی تھی۔