باچاخان انٹرنیشنل ایئرپورٹ پشاورسے میں حجاج کی وطن واپسی سے متعلق اعلی سطح اجلاس

بدھ 15 اگست 2018 15:46

پشاور(اُردو پوائنٹ اخبارتازہ ترین - این این آئی۔ 15 اگست2018ء) باچاخان انٹرنیشنل ایئرپورٹ پشاورسے میںایئرپورٹ منیجرسول ایویشن اتھارٹی ثمررفیق کی زیرصدارت حجاج کی وطن واپسی کے دوران پیش آنے والے ممکنہ مشکلات کوبروقت اوراحسن طریقے سے حل کرنے کیلئے اعلیٰ سطح اجلاس منعقدہوا۔جس میں ضلعی انتظامیہ،سول ایویشن اتھارٹی،پی آئی اے،پریس انفارمیشن ڈیپارٹمنٹ(پی آئی ڈی)،ایئرپورٹ سیکورٹی فورس،انٹی نارکوٹکس فورس،کسٹمز،ایف آئی اے،پاکستان آرمی اورصحت سمیت دیگرمتعلقہ اداروںکے ذمہ دارحکام نے شرکت کی۔

اجلاس سے خطاب کرتے ہوئے ثمررفیق نے کہاکہ کہ امسال خیبرپختونخواسی26ہزار375افرادحج کی سعادت حاصل کررہے ہیںجس میںسرکاری طورپر17ہزار474جبکہ پرائیویٹ سکیم کے ذریعی8ہزار901افرادشامل ہیں،اجلاس کے شرکاء کو آگاہ کیاگیاکہ خیبرپختونخواسے 51خصوصی پروازوںکے ذریعے حجاج کرام کوسعودی عرب پہنچایاگیاہے اورآخرپروازگزشتہ روز15اگست کوہوگئی ہے۔

(جاری ہے)

انہوںنے مزیدکہاکہ ایئربلیوکی خصوصی حج پروازکے ذریعے 27اگست کوحج ادائیگی کے بعد170حجاج کرام پشاورپہنچایا جائیگا،حجاج کرام کوایئرپورٹ گیٹ سے ہی رخصت کی جائیگا۔انہوںنے عوام الناس اورحجاج کرام کے عزیزواقارب کوآگاہ کرتے ہوئے کہاکہ ایئرپورٹ پرتعمیراتی کام کے باعث حجاج کرام کولینے کیلئے صرف ایک گاڑی لایاکریںتاکہ دیگرحجاج کرام اوران کے عزیزواقارب کوکسی مشکلات کاسامنانہ ہو۔