مقامی کرنسی مارکیٹوں میں غیرملکی کرنسیوں کے مقابلے میں پاکستانی روپے کی قدر میں استحکام

بدھ 15 اگست 2018 19:27

مقامی کرنسی مارکیٹوں میں غیرملکی کرنسیوں کے مقابلے میں پاکستانی روپے ..
کراچی(اُردو پوائنٹ اخبارتازہ ترین - این این آئی۔ 15 اگست2018ء) مقامی کرنسی مارکیٹوں میں غیرملکی کرنسیوں کے مقابلے میں پاکستانی روپے کی قدر مستحکم رہی،بدھ کوانٹربینک مارکیٹ میںپاکستانی روپے کے مقابلے میں امریکی ڈالر کی قدر میں30پیسے کی کمی جبکہ اوپن کرنسی مارکیٹ ڈالرکی خرید،یورو،برطانوی پائونڈکی فروخت اور سعودی ریل کی قدر میں کمی،برطانوی پائونڈ کی فروخت اوریواے ای درہم کی قدر میں اضافہ،ڈالرکی فروخت اور چینی یوآن کی قدر میں استحکام۔

فاریکس ایسوسی ایشن آف پاکستان کے جاری کردہ اعدادوشمارکے بدھ کوانٹر بینک میں پاکستانی روپے کے مقابلے میں امریکی ڈالرکی قدرمیں30پیسے کی کمی ریکارڈ کی گئی ،جس کے نتیجے میں امریکی ڈالرکی قیمت خرید123.90روپے سے گھٹ کر123.60روپے اور قیمت فروخت124.00روپے سے گھٹ کر123.70روپے ہوگئی۔

(جاری ہے)

اوپن کرنسی مارکیٹ میں ڈالرکی خرید میں20پیسے کی کمی جبکہ فروخت میں استحکام رہا،جس کے نتیجے میں امریکی ڈالر کی قیمت خرید121.50روپے سے گھٹ کر121.30روپے اورقیمت فروخت122.50روپے پرمستحکم رہی۔

یوروکی قدر1.00روپے کی کمی جبکہ برطانوی پائونڈکی قیمت خریدمیں 1.00روپے کا اضافہ اور فروخت میں50پیسے کی کمی ریکارڈ کی گئی،جس کے نتیجے میں بالترتیب یوروکی قیمت خرید135.50روپے سے گھٹ کر134.50روپے اورقیمت فروخت141.00روپے سے گھٹ کر140.00روپے جبکہ برطانوی پائونڈ کی قیمت خرید152.00روپے سے بڑھ کر153.00روپے اورقیمت فروخت157.50روپے سے گھٹ کر157.00روپے ہوگئی۔

فاریکس رپورٹ کے مطابق سعودی ریال کی قدرمیں10پیسے کی کمی اوریواے ای درہم کی قدر میں10پیسے کا اضافہ ریکارڈ کیاگیا،جس کے نتیجے میں بالترتیب سعودی ریال کی قیمت خرید31.70روپے سے گھٹ کر31.60روپے اورقیمت فروخت32.70روپے سے گھٹ کر32.60روپے اور یواے ای درہم کی قیمت خرید32.50روپے سے بڑھ کر32.60روپے اورقیمت فروخت33.50روپے سے بڑھ کر33.60روپے ہوگئی ۔بدھ کوچینی یوآن کی قیمت خرید18.00روپے اور قیمت فروخت19.80روپے پرمستحکم رہی۔