پاکستان اور بھارت اپنے مسائل کو حل کرنے کیلئے اقدامات کریں،شاہد آفریدی

بدھ 15 اگست 2018 19:33

لاہور۔15 اگست(اُردو پوائنٹ اخبارتازہ ترین - اے پی پی۔ 15 اگست2018ء) سابق کپتان شاہد خان آفریدی نے پاکستان اور بھارت کے مابین کرکٹنگ تعلقات کو بہتر بنانے کیلئے بھارتیوں کو خصوصی ٹویٹر پیغام دیدیا ،بھارت کے یوم آزادی کے موقع پر پاکستان کرکٹ ٹیم کے سابق کپتان شاہد آفریدی نے امید ظاہر کی کہ اس سال دونوں ملک اپنے اپنے مسائل کو حل کرنے کی کوشش کریں،شاہد آفریدی نے ٹوئٹ کرتے ہوئے کہا کہ ’’میں امید کرتا ہوں اس سال پاکستان اور بھارت دونوں اپنے مسائل کو حل کرنے کے لیے اقدامات کریں، جس سے یہ خطہ ایک بہتر، پرامن اور خوشحال مقام بن جائے تاکہ دونوں ملکوں کے درمیان کرکٹ میچز کا انعقاد ہوسکے۔