خانپور ڈیم میں پانی کی سطح میں اضافہ، لیول 1948.30 فٹ ہو گیا

بدھ 15 اگست 2018 22:17

ہری پور۔ (اُردو پوائنٹ اخبارتازہ ترین - اے پی پی۔ 15 اگست2018ء) بارشوں کے حالیہ سلسلہ کے بعد خانپور ڈیم میں پانی کی سطح میں اضافہ ہو گیا، لیول 1948.30 فٹ ہو گیا، راولپنڈی اور اسلام آباد کو 80 کیوسک پانی کی فراہمی شروع کر دی گئی۔

(جاری ہے)

تفصیلات کے مطابق حالیہ بارشوں کے سلسلہ کے بعد خانپور ڈیم میں پانی کی سطح میں اضافہ ہو گیا جس سے ڈیم میں پانی کی سطح میں 1948.30 فٹ ہو گیا ہے، ڈیم میں پانی کی آمد 607.83 اور اخراج 108.8 کیوسک ریکارڈ کیا گیا جبکہ خانپور ڈیم سے راولپنڈی و اسلام آباد کو 80 کیوسک پانی فراہم کیا جا رہا ہے۔

ذرائع کے مطابق آنے والے دنوں میں مزید بارشوں سے خانپور ڈیم میں پانی کی سطح میں مزید اضافہ متوقع ہے، ڈیم میں پانی ذخیرہ کرنے کی گنجائش 1982 فٹ ہے تاہم پانی کے اوور فلو سے بچنے کیلئے 1980 فٹ کے بعد اضافی پانی کے اخراج کیلئے سپل وے کھول دیئے جاتے ہیں۔

Facebook Twitter Google + Share on Whatsapp

خانپور ڈیم میں پانی کی سطح میں اضافہ، لیول 1948.30 فٹ ہو گیا

متعلقہ عنوان :

مزید قومی خبریں