سوشل میڈیا کنٹرول ایکٹ بن گیا ہے جس کے تحت تین سال کی سزا اور ایک کروڑ روپے جرمانہ ہوگا ،ْ چیئر مین پی ٹی اے کا سینیٹ کی قائمہ کمیٹی برائے کابینہ کے سامنے بیان

جمعرات 16 اگست 2018 16:40

اسلام آباد (اُردو پوائنٹ اخبارتازہ ترین - این این آئی۔ 16 اگست2018ء) چیئرمین پی ٹی اے نے سینیٹ کی قائمہ کمیٹی برائے کابینہ کوبتایاہے کہ سوشل میڈیا کنٹرول ایکٹ بن گیا ہے جس کے تحت تین سال کی سزا اور ایک کروڑ روپے جرمانہ ہوگا۔

(جاری ہے)

کمیٹی کوبتایا گیا کہ بلاک کی گئی سائٹس میں ریاست مخالف 4ہزار 799، عدلیہ مخالف 3ہزار 719، مذہب مخالف مواد کی 31ہزار 963 اور عریانی و فحاشی کی 7لاکھ68ہزار سائٹس شامل ہیں۔پی ٹی اے حکام نے کمیٹی کو بتایا کہ فیس بک، واٹس ایپ، ڈیلی موشن، یو ٹیوب اور دیگر ویب سائٹس کے فوکل پرسن نامزد کردیئے گئے ہیں جو پی ٹی اے سے مسلسل رابطے میں ہیں۔