سی پیک نے دو طرفہ تعلقات کو اقتصادی جہتوں سے روشناس کرایا ہے، سی پیک منصوبے کو پاکستان میں سیاسی اور ادارہ جاتی حمایت حاصل ہے،
سی پیک کے منصوبے پر معمول کے مطابق تیزی سے پیشرفت جاری ہے چیئرمین سینیٹ محمد صادق سنجرانی کی چین کے وزیر خارجہ وانگ یائی سے ملاقات کے دوران گفتگو
جمعرات 16 اگست 2018 23:37
(جاری ہے)
چیئرمین سینیٹ نے کہا کہ پاکستان اور چین آہنی دوست ہیں اور ان کی یہ دوستی وقت کے ہر امتحان پر پورا اتری ہے اور بین الاقوامی سطح پر دونوں ملکوں کے درمیان مثالی تعاون پایا جاتا ہے۔
چیئرمین سینیٹ اپنے وفد کے ہمراہ ان دنوں چین کے پانچ روزہ سرکاری دورے پر ہیں جس کی دعوت چین کی عوامی سیاسی مشاورتی کانفرنس کے سربراہ وانگ ینگ نے دی تھی۔ وفد میں پاکستان کے چاروں صوبوں کی نمائندگی ہے جس میں کاروباری طبقے سے تعلق رکھنے والے لوگ بھی شامل ہیں۔ چیئرمین سینیٹ نے چین کے وزیر خارجہ کو بتایا کہ چین کے ساتھ دوستی اور سی پیک کے حوالے سے سیاسی قیادت اور عوام متفق ہیں اور اس کی بھر پور حمایت کرتے ہیں۔ چیئرمین سینیٹ نے سی پیک کی کامیابی اور پائیدار ترقی کیلئے گوادر اور بلوچستان کے مختلف علاقوں کی ترقی کوششیں کرنے پر زور دیا۔ انہوں کہا کہ گوادر میں مزید ترقیاتی کام کرنے کی ضرورت ہے۔ وفد نے پاکستان کی حکومت اور عوام کی طرف سے چین کی قیادت اور عوام کو نیک خواہشات کا پیغام بھی پہنچایا۔چیئرمین سینیٹ نے پاکستان کی جانب سے چین کے نکتہ نظر کی حمایت کی یقین دہانی کراتے ہوئے اس بات پر زور دیا کہ چین مقبوضہ کشمیر میں بھارتی افواج کے ہاتھوں ہونے والی انسانی حقوق کی خلاف ورزی کو روکنے کیلئے اپنا کردار ادا کرے۔چین کے وزیر خارجہ نے اس اعتما د کا اظہار کیا کہ دونوں ملکوں کے درمیان باہمی تعلقات مزید فروغ پائیں گے اور چین پاکستان کو اپنا با اعتماد ساتھی تصور کرتا ہے اور پاکستان کے ساتھ تعلقات چین کی ترجیحات میں شامل ہیں۔ انہوں نے پاکستان میں جاری سیاسی انتقال اقتدار کی تعریف کرتے ہوئے کہا کہ چین پاکستان کی نئی حکومت کے ساتھ باہمی تعاون کو تمام شعبوں میں مزید مستحکم کرنے کا خواہاں ہے۔چینی وزیر خارجہ نے پاکستان اور چین کے مابین وفود کے تبادلوں اور عوامی سطح پر روابط کے استحکام پر زور دیا۔ قبل ازیں پاکستانی وفد نے چیئرمین سینیٹ کی سربراہی میں چائنا پاور تعمیراتی کمپنی کا دورہ کیا اور اس کے سربراہ سے ملاقات کی۔ چیئرمین سینیٹ نے پورٹ قاسم بجلی منصوبے پر ہونے والے کام کی تعریف کی اور اس امید کا اظہار کیا کہ کمپنی پاکستان میں بجلی کے شعبے میں دوسرے منصوبوں میں بھی سرمایہ کاری کرے گی۔چیئرمین سینیٹ نے کہا کہ چائنا پاور کی معاونت سے شروع کیے جانے والے منصوبوں سے پاکستان میں توانائی کے بحران پر قابو پانے میں مدد ملی ہے اور یہ کمپنی دونوں ملکوں کے مابین اعتماد کا ذریعہ ہے۔وفد میں سینیٹرز نزہت صادق ، ستارہ ایاز ، محمد اکرم ، دلاور خان ، کہدہ بابر ، اعظم خان سواتی، بیرسٹرمحمد علی خان سیف ، مرزا محمد آفریدی، بہرامند تنگی او ر سیکرٹری سینٹ امجد پرویز شامل ہیں۔مزید اہم خبریں
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
6 ماہ سے غزہ کے فلسطینیوں پرمظالم دیکھ کرشدید غصہ اور مایوسی ہے،۔ ملالہ
-
گجرات میں ہسپتال کی چھت گرنے پر وزیراعلیٰ کا سخت ایکشن
-
ایران کے صدر کا دورہ پاکستان بہت بڑی پیشرفت تھی،خواجہ آصف
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.