انصاف کی بلا تاخیرفراہمی کے حوالے سے وزارت قانون نے نیا مسودہ تیا کر لیا

ملک کو درپیش بیشتر مسائل کی بنیادی وجہ انصاف کی فراہمی میں تاخیر ہے ،ْنگران وزیر اطلاعات

جمعہ 17 اگست 2018 15:10

اسلام آباد (اُردو پوائنٹ اخبارتازہ ترین - این این آئی۔ 17 اگست2018ء) انصاف کی بلا تاخیرفراہمی کے حوالے سے وزارت قانون نے نیا مسودہ تیا کر لیا۔ جمعہ کو جاری بیان کے مطابق نیا مسودہ وفاقی وزیر قانون بیرسٹر علی ظفر کی رہنمائی میں تیار کیا گیا ،ْانصاف کی فوری فراہمی کا نیا مسودہ اگلی کابینہ کے اجلاس میں پیش کیا جائیگا۔ نگران وزیر اطلاعات سید علی ظفر نے کہاکہ ملک کو درپیش بیشتر مسائل کی بنیادی وجہ انصاف کی فراہمی میں تاخیر ہے۔

(جاری ہے)

نگران وزیر اطلاعات نے کہا کہ انصاف کی فراہمی میں تاخیرعدل کی شکست ہے ،ْدیوانی مقدمات کا کئی کئی سال اور بعض اوقات دہائیوں تک فیصلہ نہیں ہوتا۔بیرسٹر علی ظفر نے کہا کہ قانونی اصلاحات کے ذریعیان مسائل پر قابو پایا جا سکتا ہے۔انہوںنے کہا کہ نگران حکومت نے مختصر وقت میں ضابطہ دیوانی کا ترمیمی مسودہ تیا رکیاسید علی ظفر نے کہا کہ اہم عوامی مقامات کے ناموں سے متعلق بھی قانون بنادیا گیا ہے۔انہوںنے کہاکہ قانونی اصلاحات سے عدالتوں پر غیر ضروری بوجھ بھی کم ہو گا۔