الیکشن کمیشن آف پاکستان نے ملک بھر میں ضمنی انتخابات کو شیڈول جاری کردیا

کوئٹہ (اُردو پوائنٹ اخبارتازہ ترین - این این آئی۔ 17 اگست2018ء) الیکشن کمیشن آف پاکستان نے ملک بھر میں ضمنی انتخابات کو شیڈول جاری کردیا ، بلوچستان صوبائی اسمبلی کی دو خالی نشستوں پی بی 35اور پی بی 40 پرضمنی انتخابات میں پولنگ 14اکتوبر کو ہوگی ، تفصیلا ت کے مطابق الیکشن کمیشن آف پاکستان نے ملک بھر سے قومی و صوبائی اسمبلی کی خالی نشستوں پر ضمنی انتخابات کا شیڈول جاری کردیا ہے جس کے مطابق 27اگست کو ریٹرننگ افسر پبلک نوٹس جاری کریں گے ،28سے 30اگست تک کاغذات نامزدگی جمع کروائے جائیں گے 31اگست کو امیدواروں کے ناموں کی فہرست اویزاںکی جائے گی 4ستمبر تک کاغذات کی جانچ پڑتال کا عمل مکمل کیا جائیگا جس کے بعد 8ستمبر تک ریٹرننگ افسران کے فیصلوں کے خلاف اپیلیں دائر کی جائیں گی اور 13ستمبر تک اپیلیٹ ٹربیونل اپیلوں پر فیصلے کریگا ،14ستمبر کو امیدواروں کی نظر ثانی شدہ فہرست شائع کی جائیگی 15ستمبر تک امیدوار دستبردار ہوسکیں گے جبکہ 16ستمبر کو امیدواروں کا انتخابی نشان الاٹ کیے جائیں گے جس کے بعد 14اکتوبر کو خالی نشستوں پر ضمنی انتخاب ہوگا، بلوچستان اسمبلی کے حلقہ پی بی 35کی نشست بی اے پی کے امیدوار نوابزادہ میرسراج خان رئیسانی کی خودکش حملے میں شہادت اور حلقہ پی بی 40خضدار iiiکی نشست بی این پی کے سربراہ سردار اختر جان مینگل کی جانب سے قومی اسمبلی میں جانے کے فیصلے کے بعد خالی ہوگئی تھیں ان دونوں نشستوں انتخابات ہونگے جبکہ صوبے سے قومی اسمبلی کی قومی بھی نشست خالی نہیں ہے ۔