عوام کے معیار زندگی کی بہتری سمیت ملکی معیشت اور لوگوں کی آمدنی میں اضافہ پی ٹی آئی کی حکومت کا مشن ہے،

عوامی خواہشات کے مطابق ملکی معیشت اور پاکستان کو بہتر بنائیں گے، ہر فیصلہ ملک و قوم کی بہتری کے لیے کریں گے پاکستان تحریک انصاف کے سینئر رہنما اسد عمر کی نجی ٹی وی چینل سے گفتگو

جمعہ 17 اگست 2018 23:02

عوام کے معیار زندگی کی بہتری سمیت ملکی معیشت اور لوگوں کی آمدنی میں ..

اسلام آباد ۔ (اُردو پوائنٹ اخبارتازہ ترین - اے پی پی۔ 17 اگست2018ء) پاکستان تحریک انصاف کے سینئر رہنما و نومنتخب رکن قومی اسمبلی اسد عمر نے کہا ہے کہ عوام کے معیار زندگی کی بہتری سمیت ملکی معیشت اور لوگوں کی آمدنی میں اضافہ پی ٹی آئی کی جمہوری طریقے سے منتخب ہونے والی حکومت کا مشن ہے۔

(جاری ہے)

جمعہ کو ایک نجی ٹی وی چینل سے بات چیت کرتے ہوئے انہوں نے کہا کہ عوام کو بنیادی سہولیات کی فراہمی یقینی بنانا پی ٹی آئی کی حکومت کے لیے ایک بہت بڑا چیلنج ہے۔

انہوں نے کہا کہ ہمیں نوجوانوں کے لیے روزگار کے مواقع پیدا کرنے ہوں گے۔ ایک سوال کے جواب میں انہوں نے کہا کہ وزیراعظم کے عہدے کے لیے پاکستان تحریک انصاف کو بھاری اکثریت سے ووٹ پڑے ہیں۔ انہوں نے مزید کہا کہ ہم عوامی خواہشات کے مطابق ملکی معیشت اور پاکستان کو بہتر بنائیں گے اور ہر فیصلہ ملک و قوم کی بہتری کے لیے کریں گے۔ ایک اور سوال کے جواب میں انہوں نے کہا کہ پاکستان کی قسمت تبدیل کرنے کا سفر شروع ہونے والا ہے۔