کوئٹہ، نوابزادہ میر سراج خان رئیسانی سمیت سانحہ مستونگ کے شہداء کا چہلم 20 اگست کو ہوگا،ترجمان سراوان ہائوس

ہفتہ 18 اگست 2018 00:04

کوئٹہ(اُردو پوائنٹ اخبارتازہ ترین - آن لائن۔ 17 اگست2018ء) نوابزادہ میر سراج خان رئیسانی سمیت سانحہ درینگڑھ مستونگ کے شہداء کا چہلم 20 اگست کو ہوگاچہلم پر قرآن خوانی و لنگر تقسیم کیا جائیگا ۔

(جاری ہے)

ترجمان سراوان ہائوس کے مطابق 13 جولائی کو مستونگ کے علاقہ درینگڑھ میں انتخابی جلسہ کے دوران ہونے والے خودکش حملے میں نوابزادہ میر سراج خان رئیسانی سمیت دیگر شہداء کے چہلم کے موقع پر 20 اگست بروز پیر سراوان ہائوس کوئٹہ میں دن 11 بجے قرآن خوانی اور شہداء کے درجات کی بلندی کیلئے فاتحہ خوانی کی جائیگی جس کے بعد لنگر تقسیم کیا جائیگا ۔

چیف آف سراوان نواب محمد اسلم رئیسانی،نوابزادہ ہمایوں جوگیزئی،نوابزادہ میر اسداللہ خان رئیسانی، نوابزادہ میر عبدالنبی ( بابو جان) رئیسانی نوابزادہ میر لشکری خان رئیسانی اور شہید نوابزادہ میر سراج خان رئیسانی کے فرزند میر جمال رئیسانی سمیت سوگوار خاندان کے دیگر افراد کی جانب سے قرآن خوانی اور لنگر میں تمام دوست و احباب سے شرکت کی استدعا کی گئی ہے ۔