محکمہ زراعت نے کاشتکاروں کو آلودگی سے پاک کپاس کی چنائی میں احتیاط برتنے کی ہدایت کردی

ہفتہ 18 اگست 2018 14:25

لاہور۔18 اگست(اُردو پوائنٹ اخبارتازہ ترین - اے پی پی۔ 18 اگست2018ء) محکمہ زراعت نے کپاس کے کاشتکاروں کوہدایت کی ہے کہ آلودگی سے پاک کپاس حاصل کرنے کیلئے کپاس کی چنائی احتیاط کے ساتھ کریں کیونکہ آلودگی سے پاک کپاس کی کوالٹی بہتر ہوتی ہے اور اس کے نرخ زیادہ ملتے ہیں ۔ محکمہ زراعت فیصل آبادکے ذرائع نے کہاکہ کاشتکار چنائی اس وقت شروع کریں جب تقریباً 40 سی50 فیصد ٹینڈے کھل جائیں۔

(جاری ہے)

انہوںنے بتایاکہ چنائی کا صحیح وقت 10 بجے صبح کے بعد شروع ہوتاہے اور شام 4 بجے چنائی بند کردینی چاہیے ۔انہوںنے کہاکہ اگر آسمان پر بادل ہوں اور بارش کا امکان ہو تو چنائی نہ کی جائے نیز چنائی پودے کے نچلے حصے سے شروع کی جائے اور کپاس میں پتیاں وغیرہ شامل نہیں ہونی چاہئیں۔اسی طرح چنی ہوئی کپاس کو گیلی جگہ پر نہیں رکھنا چاہیے اور کپاس کی اقسام کو علیحدہ رکھنا چاہیے تاکہ ایک قسم دوسری قسم میں شامل نہ ہو سکے۔انہوںنے کہاکہ کپاس کی پھٹی کو کھیت سے جننگ فیکٹری یا سٹور میں منتقل کرتے وقت سوتی کپڑے کے بورے استعمال کرنے چاہئیں تاکہ کپاس آلودگی سے پاک رہے۔

Facebook Twitter Google + Share on Whatsapp

محکمہ زراعت نے کاشتکاروں کو آلودگی سے پاک کپاس کی چنائی میں احتیاط برتنے کی ہدایت کردی

متعلقہ عنوان :

مزید زراعت کی خبریں