لاہورپولیس نے تاریخ میں پہلی بار تین تھانوں میں خاتون محررز کوتعینات کردیا

اتوار 19 اگست 2018 00:40

لاہور۔18 اگست(اُردو پوائنٹ اخبارتازہ ترین - اے پی پی۔ 19 اگست2018ء) لاہورپولیس نے تھانوں میں ایک نئے دورکاآغازکردیا۔ تاریخ میں پہلی بار تین تھانوں میں خاتون محررزکوتعینات کردیاگیا۔ تین خاتون محررزمیں سے دوکومردپولیس اسٹیشنزمیں تعینات کیاگیاہے۔

(جاری ہے)

ڈی آئی جی آپریشنزلاہورشہزاداکبرکے حکم پر عظمیٰ ریحان کوتھانہ لٹن روڈ، فرح الطاف کولوئرمال اورعنبرین اخترکوتھانہ وومن پولیس اسٹیشن میں فوری تعینات کردیاگیا۔

خاتون محررنے تعیناتی کے بعدذمہ داریاں سنبھال لیں۔ ڈی آئی جی آپریشنزلاہورشہزاداکبرنے اس موقع پر کہا کہ تھانوںمیں خاتون محررزکوآئی جی پنجاب ڈاکٹرکلیم امام کے ویژن اور سی سی پی اولاہوربی اے ناصرکی ہدایت پرتعینات کیاگیا۔تھانوں میں خاتون محررکوتعینات کرنے کابنیادی مقصدروایتی تھانہ کلچرکی تبدیلی ہے۔