راولپنڈی،گوجرانوالہ، لاہور، مالاکنڈ، پشاور، قلات، میر پور خاص ڈویژن، اسلام آباد،کشمیر اور گلگت بلتستان میں چند مقامات پر تیزہوائوں اور گرج چمک کیساتھ بارش کا امکان

اتوار 19 اگست 2018 00:40

اسلام آباد ۔ (اُردو پوائنٹ اخبارتازہ ترین - اے پی پی۔ 19 اگست2018ء) محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہے گا تاہم راولپنڈی،گوجرانوالہ، لاہور، مالاکنڈ، پشاور، قلات، میر پور خاص ڈویژن، اسلام آباد،کشمیر اور گلگت بلتستان میں چند مقامات پر تیزہوائوں اور گرج چمک کیساتھ بارش کا امکان ہے۔

رپورٹ کے مطابق گزشتہ 24 گھنٹوں کے دوران راولپنڈی،گوجرنوالہ، لاہور، فیصل آباد، سرگودھا، ساہیوال، بہاولپور، مالاکنڈ، ہزارہ، پشاور، کوہاٹ، مردان، میرپورخاص، حید رآباد، شہید بینظرآباد، ژوب ڈویژن، اسلام آباد، کشمیر اور گلگت بلتستان میں کہیں کہیں تیزہوائوں اور گرج چمک کے ساتھ بارش ہوئی۔ سب سے زیادہ بارش راولپنڈی میں 59 ملی میٹڑ، اسلام آباد 40، ساہیوال 35، اوکاڑہ 30، لاہور17، فیصل آباد 15، میانوالی 12، بہاولنگر 07، قصور 06، جوہر آباد، سیالکوٹ 03، بہاولپور ایک، پٹن 31، سیدو شریف 27، میرکھانی22، دیر21، مالم جبہ 18، ایبٹ آباد 16، دروش، چراٹ 11، بالاکوٹ 07، لوئیر دیر 03، کالام، پارہ چنار 02، میر پورخاص37، ڈہلی20، ڈپلو16،اسلام کوٹ 06، مٹھی، چھاچرو 05، حید رآباد 04، شہید بینطر آباد 03، نگر پارکر ایک، گڑھی دوپٹہ 35، مظفرآباد 26، کوٹلی 10، راولاکوٹ ایک، استور 08، گوپس 07، اسکردو 05، بگروٹ، بونجی03، ژوب 03، اور بارکھان میں ایک ملی میٹر بارش ریکارڈ کی گئی۔

(جاری ہے)