سعودی عرب میں 2 نئی آئل فیلڈز دریافت ، گیس کی غیر روایتی پیداوار شروع

اتوار 19 اگست 2018 11:30

ریاض ۔ (اُردو پوائنٹ اخبارتازہ ترین - اے پی پی۔ 19 اگست2018ء) سعودی عرب کی قومی آئل اینڈ گیس کمپنی (آرامکو) نے کہا ہے کہ 2017ء کے دوران ملک میں 2 نئی آئل فیلڈ دریافت ہوئی تھیں، مملکت کی تاریخ میں پہلی بات غیر روایتی طریقے سے گیس کی پیداوار شروع کر دی گئی جبکہ خریص آئل فیلڈ سے 2018ء کے دوران تیل کی یومیہ پیداوار 3 لاکھ بیرل تک پہنچ گئی ہے۔

(جاری ہے)

کمپنی کی جانب سے جاری اعلامیے کے مطابق خام تیل کو کیمیکل میں تبدیل کرنے اور اس کی قدر و قیمت میں اضافہ کرنے کے پروگرام تیزی سے جاری ہیں۔

کمپنی کے چیئرمین امین الناصر نے آرامکو کے کارکنان کو مخاطب کرتے ہوئے کہا کہ 2017ء سمندر اورخشکی میں تیل کے کنوئوں کی کھدائی کا دائرہ وسیع کرنے کے حوالے سے منفرد سال تھا۔ اس کا سہرا کمپنی کے ملازمین کے سر جاتا ہے۔