گذشتہ مالی سال کے دوران ملک سے انفارمیشن ٹیکنالوجی خدمات کی برآمدات میں 13 فیصد اضافہ ریکارڈکیا گیا

اتوار 19 اگست 2018 15:20

اسلام آباد ۔19 اگست(اُردو پوائنٹ اخبارتازہ ترین - اے پی پی۔ 19 اگست2018ء) گذشتہ مالی سال کے دوران ملک سے انفارمیشن ٹیکنالوجی سے منسلک خدمات کی برآمدات میں 13 فیصد اضافہ ریکارڈکیا گیا۔ ادارہ شماریات پاکستان کے اعدادوشمارکے مطابق جون سے لیکر مئی 2018ء کے اختتام تک پاکستان نے انفارمیشن ٹیکنالوجی سے منسلک خدمات کی برآمدات سے 963.6 ملین ڈالرکازرمبادلہ حاصل کیا جو مالی سال 2016-17ء کے اسی عرصہ کے مقابلے میں 13 فی صد زیادہ ہے۔

(جاری ہے)

مالی سال 2016-17ء کے اسی عرصہ میں پاکستان نے آئی ٹی خدمات کی برآمدات سے 852.64 ملین ڈالر کازرمبادلہ حاصل کیا تھا۔مئی 2018ء میں آئی ٹی خدمات کی برآّمدات میں 50 فیصد اضافہ دیکھنے میں آیا۔سب سے زیادہ آئی ٹی خدمات کی برآمدات امریکا کو کی گئیں جن کا حجم 517.55 ملین ڈالر ریکارڈ کیا گیا جبکہ متحدہ عرب امارات کو آئی ٹی خدمات کی برآمدات سے پاکستان نے 83.23 ملین ڈالر کا زرمبادلہ کمایا۔اسی طرح سعودی عرب کوآئی ٹی خدمات کی برآمدات سے پاکستان نے 73.19، سنگاپور34.8 ، ملائشیا33.11 اورچین، کینیڈا اورآسٹریلیاء کو آئی ٹی خدمات کی برآمدات سے پاکستان نے بالترتیب 17.5 ، 18.16 اور18 ملین ڈالر کا زرمبادلہ کمایا۔