سینئر نائب صدرتحریک انصاف آزاد کشمیر خواجہ فاروق کی عمران خان کی تقریب حلف برداری میں شرکت ‘ مبارکباد دی

اتوار 19 اگست 2018 16:30

مظفرآباد(اُردو پوائنٹ اخبارتازہ ترین - آئی این پی۔ 19 اگست2018ء) سابق وزیر بلدیات و برقیات وتعمیرات و ہائیڈروالیکٹرک بورڈ ‘ سینئر نائب صدرتحریک انصاف آزاد کشمیر خواجہ فاروق نے عمران خان کی تقریب حلف برداری میں شمولیت کے بعدایوان صدر میں عمران خان کو مبارکباد دیتے ہوئے انہیں آزاد کشمیر کے دورے کی دعوت دی ۔

(جاری ہے)

انہوں نے کہاکہ جس طرح الیکشن کے بعد آپ نے اپنی پہلی تقریرمیں مودی کو کشمیر کے حوالے سے جو پیغام دیاتھا اس سے آرپارکے کشمیریوں کے حوصلے بلند ہوئے ہیں۔

اس لئے ہماری خواہش ہے کہ آپ بحیثیت وزیراعظم پاکستان جلد از جلد آزاد کشمیرکے دارلحکومت مظفرآباد کادورہ کریں تاکہ کشمیریوں کے حوصلے بلند ہوںاوراس حوالے سے صدر تحریک انصاف آزاد کشمیربیرسٹر سلطان محمود چوہدری بھی بہت جلد مل کردورے کی دعوت دینگے ۔