عیدالاضحی کے موقع پر قربانی کے جانوروں کی آلائشوں کیلئے گھر گھر پلاسٹک کے تھیلے تقسیم کیے جائیں،ڈپٹی کمشنر ڈی جی خان

اتوار 19 اگست 2018 21:20

ڈی جی خان ۔ (اُردو پوائنٹ اخبارتازہ ترین - اے پی پی۔ 19 اگست2018ء) ڈیرہ غازیخان میں عیدالاضحی کے موقع پر قربانی کے جانوروں کی آلائشوں کیلئے گھر گھر پلاسٹک کے تھیلے تقسیم کیے جائیں جس کیلئے مختلف سائز کیے 30من پلاسٹک کے تھیلے خرید کر لیے گئے ہیں ․ آلائشوں کو اٹھانے کیلئے میونسپل کارپوریشن کی مشینری کے علاوہ کرایے پر رکشے لیے جائیں گی․ آلائشو ں کی شہر سے دور محفوظ تلفی کیلئے جگہ کا انتخاب کر لیاگیا ہے ․ یہ بات ڈپٹی کمشنر علی اکبربھٹی کی زیر صدارت اس سلسلے میں منعقدہ اجلاس میں بتائی گئی ․ ڈ پٹی کمشنر نے کہاکہ میونسپل کارپوریشن کے ملازمین کی چھٹیاں منسوخ کر دی جائیں ․ عید الاضحی پر ماحولیاتی آلودگی سے بچنے کیلئے سری پائے جلانے والوں کے خلاف کارروائی کی جائے اور شہر میں موجود سری پائے جلانے والی بھٹیاں تلف کر دی جائیں ․ کارپوریشن کے عملہ کی بائی نیم ڈیوٹی ہونی چاہیئے جسے فہرست کے مطابق چیک کیاجائے گا․ ڈپٹی کمشنرنے کہاکہ شہر کا کوڑا غازیگھاٹ کے مقام پر مختص 140کنال رقبہ پر اکٹھا کیاجائی․ عیدالاضحی پر شہر میں صفائی کے مثالی انتظامات نظر آنے چاہئیں اس موقع پر چیف آفیسر امجد حسین اوردیگر افسران موجو د تھے ․