وزیراعظم عمران خان کی اٖفغانستان کی 99 ویں یوم آزادی پرافغانستان کی حکومت اورعوام کو مبارکباددی

پاکستان کے عوام کی طرف سے افغان بھائیوں اور بہنوں کے لئے پرخلوص نیک تمنائوں کا اظہار بھی کیا ہے ہم دعاگو ہیں کہ آپ کی بصیرت افروز قیادت میں افغانوں کی قیادت میں افغان امن عمل کے ذریعے یہ پرمسرت دن افغانستان میں امن اور استحکام کے نئے دور کا آغاز بنے وزیراعظم عمران خان کا افغانستان کے صدر محمد اشرف غنی کے نام مکتوب

پیر 20 اگست 2018 00:20

اسلام آباد ۔ (اُردو پوائنٹ اخبارتازہ ترین - اے پی پی۔ 20 اگست2018ء) وزیراعظم عمران خان نے اٖفغانستان کی 99 ویں یوم آزادی پرافغانستان کی حکومت اورعوام کو مبارکباددی ہے، وزیراعظم نے یوم آزادی کے پرمسرت موقع پر پاکستان کے عوام کی طرف سے افغان بھائیوں اور بہنوں کے لئے پرخلوص نیک تمنائوں کا اظہار بھی کیا ہے۔

(جاری ہے)

افغانستان کے صدر محمد اشرف غنی کے نام اپنے مکتوب میں وزیراعظم عمران خان نے کہا ہے کہ ہم دعاگو ہیں کہ آپ کی بصیرت افروز قیادت میں افغانوں کی قیادت میں افغان امن عمل کے ذریعے یہ پرمسرت دن افغانستان میں امن اور استحکام کے نئے دور کا آغاز بنے۔

وزیراعظم نے کہا کہ افغانستان میں کئی عشروں پرانے تشدد اور عدم استحکام، جس کی وجہ سے خطہ متاثر ہوا ہے، کے خاتمے کی تمام کوششوں میں پاکستان افغانستان کے ساتھ استقامت کے ساتھ کھڑا ہے۔ وزیراعظم نے اپنے مکتوب میں کہا ہے کہ امن و استحکام کے فروغ اور دونوں اقوام کے طویل المیعاد اقتصادی ترقی اور خوشحالی کے لئے سازگار و خوشگوار ماحول کے قیام کے ضمن میں ہم افغان حکومت کے ساتھ اعلی سطح کے رابطوں کے لئے چشم براہ ہیں۔