راولپنڈی، نیو اسلام آباد آئیر پورٹ پر لاکھوں روپے مالیت ہیروئن بھرے کیپسول نگلنے والا مسافر گرفتار

پیر 20 اگست 2018 19:55

راولپنڈی (اُردو پوائنٹ اخبارتازہ ترین - آن لائن۔ 20 اگست2018ء) اینٹی نارکوٹکس فورس نے نیو اسلام آباد آئیر پورٹ پر لاکھوں روپے مالیت ہیروئن بھرے کیپسول نگلنے والے مسافر کو گرفتار کر لیا ہے اطلاعات کے مطابق قطر ایئر لائن کی پرواز کیو آر 615 کے ذریعے اسلام آباد سے دوحہجانے والے مسافر شفیق آفریدی ایئر پورٹ پر مشکوک حرکات کر رہا تھا جس پر ایئر پورٹ سکیورٹی فورس نے اسے حراست میں لے لیا ابتدائی تفتیش کے دوران رفیق آفریدی نے کیپسول نگلنے کا اعتراف کیا جس پر اینٹی نارکوٹکس فورس نے پولیس کے حوالے کردیاجس پر پولیس نے ملزم کوکیپسول برآمدگی کے لئے اسپتال منتقل کردیا ہے۔