الخدمت نے گزشتہ سال 92کروڑ 40لاکھ روپے امدادی اور فلاحی سرگرمیوں پرخرچ کیے، حافظ نعیم الرحمن
عوام قربانی کی کھالیں الخدمت کو دیں الخدمت کے آئندہ کے منصوبوں اور پروجیکٹس کو پورا کرنے میں معاون و مددگا ربنیں، پریس بریفنگ الخدمت تعلیم ،صحت ، صاف پانی ، کفالت یتامیٰ، کمیونٹی سروسز، آفات سے بچاؤ سمیت دیگر سرگرمیوں میں مصروف ہے ،صدر الخدمت کراچی
پیر 20 اگست 2018 21:24
(جاری ہے)
ان خیالات کا اظہار انہوں نے پیر کے روز ادارہ نورحق میں الخدمت کراچی کی سالانہ کارکردگی رپورٹ ،امدادی سرگرمیوں اور مہم چرم قربانی کے حوالے سے منعقدہ پریس بریفنگ سے خطاب کرتے ہوئے کیا۔
قبل ازیں الخدمت کے کنٹرولر کلین واٹر و کمیونٹی سروسز قاضی صدر الدین نے سالانہ رپورٹ اور کارکردگی پر مشتمل پریزینٹیشن پیش کی۔ اس موقع پر قائم مقام چیف ایگزیکٹو الخدمت کراچی راشد قریشی ‘ جماعت اسلامی کراچی کے سکریٹری اطلاعات زاہد عسکری،الخدمت کے کنٹرولر آرفن کیئر پروگرام و مواخات عنایت اللہ اسماعیل اور دیگر بھی موجود تھے۔حافظ نعیم الرحمن نے مزید کہا کہ الخدمت کراچی میں سات مختلف شعبوں میں شہریوں کو خدمات مہیا کر رہی ہے جن میں پینے کے صاف پانی کی فراہمی‘ صحت وتعلیم کی سہولیات کفالت یتامیٰ‘ روزگار اور سماجی خدمات کے شعبے شامل ہیں۔ انہوں نے کہا کہ الخدمت کے دو بڑے ذرائع آمدن ہیںجن میں زکوٰة و صدقات کے علاوہ عید قرباں کے موقع پر وصول ہونے والی قربانی کے کھالوں کی فروخت سے ہونے والی آمدنی بھی شامل ہے۔ انہوں نے کہاکہ پینے کے صاف پانی کے ضرورت امیر اور غریب ہر طرح کی آبادیوں میں ہے۔ ہم نے اس شعبے پر خصوصی توجہ دی ہے۔ اس وقت شہر میں الخدمت کے تحت کُل 38 واٹر فلٹریشن پلانٹس کام کر رہے ہیں‘ جہاںسے عوام ایک روپیہ فی لیٹر کے حساب سے لیبارٹری سے ٹیسٹ شدہ صاف پانی حاصل کرسکتے ہیں انہوں نے کہا کہ کراچی میں 55 مختلف مقامات پر ہم نے انتہائی گہری ڈرلنگ کروا کر پانی کی فراہمی کو یقینی بنایا۔انہوں نے کہاکہ الخدمت کے تحت شہر کے مختلف مقامات پر 5 ہسپتال‘ 6 میڈیکل سینٹرز‘ 14 کلینکس‘ 2 ڈائیگنوسٹک سینٹرز‘ 8 فارمیسیز‘ 3 بلڈ بینکس اور 15 کلیکشن یونٹس سرگرم عمل ہیں جہاں عوام کو دیگر ہسپتالوں کے مقابلے میں انتہائی کم شرح پر معیاری طبی سہولیات فراہم کی جاتی ہیں۔انہوں نے کہاکہ اس وقت الخدمت کے تحت 1,115 یتیم بچوں کی مکمل طور پر کفالت کی جارہی ہے جس میں ان کی پڑھائی‘ کھانے پینے کے اخراجات اور دیگر ضروریات کی فراہمی کے علاوہ ان کی کردار سازی اور تفریح بھی شامل ہیں۔ انہوں نے کہاکہ 167 بے روزگار افراد کو روزگار کی فراہمی کے لیے بلاسودی قرضے بھی جاری کیے گئے جس پر کُل ایک کروڑ 10 لاکھ روپے صرف ہوئے۔انہوں نے کہاکہ ناظم آباد میں الخدمت ڈائیگنوسٹک سینٹر کا منصوبہ روبہ عمل ہے جس پر تقریباً 26 کروڑ روپے کی لاگت آئے گی۔ شہر میں اس وقت 17 میت گاڑیاں خدمات انجام دے رہی ہیں۔ ہم ان میں 5 نئی بسوں کا اضافہ کرنا چاہتے ہیں جن پر 3 کروڑ 60 لاکھ روپے لاگت آنے کا امکان ہے جب کہ شاہ فیصل کالونی اور ڈیفنس کے علاقے میں دو ہسپتال بھی زیر تعمیر ہیں۔ہم مخیر حضرات اور کارپوریٹ سیکٹر کے اداروں سے اپیل کرتے ہیں کہ الخدمت کے ان فلاحی اور رفاحی منصوبوں کی تکمیل کے لیے آگے آئیں اور ہمارے ساتھ تعاون کریں تاکہ ہم کراچی کے عوام کو مزید سہولیات فراہم کرسکیں۔مزید اہم خبریں
-
ہم وہ ہوتے ہیں جو ہم کھاتے ہیں
-
ایران: اس سال نوروز کے تہوار کے لیے عوام قناعت پر مجبور
-
روشن ڈیجیٹل اکائونٹس کے ذریعے سمندر پارپاکستانیوں کی ترسیلات زرکاحجم 7.478 ارب ڈالر سے تجاوزکرگیا
-
ڈاکٹریاسمین راشد کی ضمانت کی درخواست پرسماعت 29 مارچ تک ملتوی
-
2015میں محرم کی حفاظتی ڈیوٹی پر تعینات سندھ رینجرز نے 8 سال بعدریڈیوپاکستان کی عمارت خالی کردی
-
انسداد دہشت گردی عدالت: اسد عمر‘زین قریشی سمیت 79 ملزمان کی عبوری ضمانتوں میں توسیع
-
وزیراعلی پنجاب سے ایرانی قونصل جنرل کی ملاقات ، منصب سنبھالنے پرمبارکباد پیش کی
-
نواز شریف،یوسف رضاگیلانی کیخلاف توشہ خانہ ریفرنس،نیب سے رپورٹ طلب
-
اسلام آباد پولیس نے سینکڑوں سوشل میڈیا اکاؤنٹس بند کروا دیئے
-
اسرائیل غزہ میں قحط اور بھوک کو جنگی ہتھیار کے طور پر استعمال کر رہا ہے.یورپی یونین
-
پی ٹی آئی کا اسلام آباد میں جلسہ کرنے کا فیصلہ، انتظامیہ کو درخواست دے دی
-
جنرل (ر) باجوہ، فیض حمید کو پارلیمنٹ میں طلب کرنے کی تحریک پیش کروں گا، خواجہ آصف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.