قومی برآمدات میں 1.1 فیصد جبکہ درآمدات میں 0.6 فیصد کا اضافہ

پیر 20 اگست 2018 23:00

کراچی ۔ (اُردو پوائنٹ اخبارتازہ ترین - اے پی پی۔ 20 اگست2018ء) رواں مالی سال 2018-19ء کے پہلے ماہ جولائی کے دوران قومی برآمدات میں 1.1 فیصد جبکہ درآمدات میں 0.6 فیصد کا اضافہ ہوا ہے۔

(جاری ہے)

ادارہ برائے شماریات پاکستان کے اعدادوشمار کے مطابق جاری مالی سال میں جولائی 2018ء کے دوران ملکی برآمدات کا حجم 1.64 ارب ڈالر تک بڑھ گیا جبکہ گذشتہ مالی سال میں جولائی 2017ء کے دوران برآمدات کا حجم 1.62 ارب ڈالر ریکارڈ کیا گیا تھا۔ پی بی ایس کے مطابق گذشتہ مالی سال کے مقابلہ میں رواں مالی سال میں جولائی 2018ء کے دوران مجموعی ملکی درآمدات 0.6 فیصد کے اضافہ سے 4.84 ارب ڈالر تک بڑھ گئیں جبکہ جولائی 2017ء میں درآمدات کا حجم 4.8 ارب ڈالر ریکارڈ کیا گیا تھا۔