وزیراعظم عمران خان کی کابل میں صدارتی محل کے قریب راکٹ حملے کی شدید مذمت

منگل 21 اگست 2018 13:13

اسلام آباد ۔ (اُردو پوائنٹ اخبارتازہ ترین - اے پی پی۔ 21 اگست2018ء) وزیراعظم عمران خان نے کابل میں صدارتی محل کے قریب راکٹ حملے کی شدید مذمت کی ہے۔

(جاری ہے)

منگل کو جاری بیان میں انہوں نے کہاکہ مذہبی تہوار پر معصوم لوگوں کو نشانہ بنانے کی بزدلانہ کارروائی شکست خوردہ ذہینت کی عکاس ہے۔ انہوں نے کہاکہ اس بزدلانہ سوچ کو مکمل شکست دینے کیلئے افغان حکومت اور عوام کے ساتھ ہیں۔