فائرنگ سے شہید پولیس اہلکار عمران کی وزیراعظم عمران خان کے نام پیغام کی ویڈیو منظرعام پر آگئی

شہید اہلکار نے وزیر اعظم عمران خان سے سندھ پولیس کی تنخواہ خیبرپختونخوا پولیس کے برابر کرنے کا مطالبہ کیا تھا

منگل 21 اگست 2018 17:02

فائرنگ سے شہید پولیس اہلکار عمران کی وزیراعظم عمران خان کے نام پیغام ..

کراچی (اُردو پوائنٹ اخبارتازہ ترین - این این آئی۔ 21 اگست2018ء) کریم آباد پل کے قریب فائرنگ سے شہید پولیس اہلکار عمران کی وزیراعظم عمران خان کے نام پیغام کی ویڈیو منظرعام پر آگئی۔تفصیلات کے مطابق کراچی کے علاقے کریم آباد میں پل کے قریب فائرنگ سے شہید ہونے والے ہیڈ کانسٹیبل عمران کی شہادت سے کچھ روز قبل وزیراعظم عمران خان کے نام جاری کی گئی ویڈیو سوشل میڈیا پر وائرل ہوگئی ہے۔

(جاری ہے)

شہید ہیڈ کانسٹیبل عمران نے ویڈیو پیغام میں وزیر اعظم عمران خان سے سندھ پولیس کی تنخواہ خیبرپختونخوا پولیس کے برابر کرنے کا مطالبہ کیا تھا، عمران نے ویڈیو پیغام میں کہا تھا کہ پنجاب سمیت باقی تینوں صوبوں کی پولیس کی تنخواہ سندھ پولیس سے زیادہ ہے لہذا اس پر نظر کرم فرمائیں۔واضح رہے کہ 3 دن قبل تھانہ شریف آباد میں انٹیلی جینس ڈیوٹی پر متعین عمران کو کریم آباد پل کے قریب نامعلوم ملزمان نے ڈکیتی مزاحمت پر فائرنگ کرکے شہید کردیا تھا۔