اپریل سے جون کے دوران بھارت کی 8.2 فیصد اقتصادی شرح نمو

ہفتہ 1 ستمبر 2018 13:52

ممبئی (اُردو پوائنٹ اخبارتازہ ترین - اے پی پی۔ 01 ستمبر2018ء) بھارت نے کہا ہے کہ مالی سال 2018-19 ء کی پہلی سہ ماہی کے دوران اس کی اقتصادی شرح نمو 8.2 فیصد رہی۔قومی ادارہ برائے اعداد و شمار کی رپورٹ کے مطابق رواں سال اپریل سے جون کے دوران ملکی اقتصادی شرح نمو8.2 فیصد رہی اور اس عرصے کے دوران بھارت دنیا بھر میں پانچویں بڑی معیشت کے طور پر سامنے آیا۔

(جاری ہے)

سہ ماہی کے دوران مجموعی قومی پیداوار کی شرح نمو 7.7 فیصد رہی۔2017 ء کے اسی عرصے میں اس کی شرح 5.6 فیصد رہی تھی۔اپریل سے جون کے عرصے میں برآمدات، بنیادی ڈھانچے اور صنعت کے شعبوں میں توقع سے زیادہ بہتری دیکھنے میں آئی۔بین الاقوامی مالیاتی فنڈ کی ایک جائزہ رپورٹ کے مطابق رواں سال بھارت کی مجموعی قومی پیداوار کی شرح نمو 7.3 فیصد رہنے کی توقع ہے جو آئندہ سالوں کے دوران بڑھ کر 7.5 فیصد تک جاسکتی ہے۔

Facebook Twitter Google + Share on Whatsapp

اپریل سے جون کے دوران بھارت کی 8.2 فیصد اقتصادی شرح نمو

متعلقہ عنوان :

مزید تجارتی خبریں