پی ٹی آئی کی جانب سے میر عامر خان رند نے سینیٹ کی خالی نشست پر ہونے والے انتخاب کیلئے کاغذات نامزدگی جمع کرادئیے

ہفتہ 1 ستمبر 2018 16:22

کوئٹہ(اُردو پوائنٹ اخبارتازہ ترین - این این آئی۔ 01 ستمبر2018ء) پاکستان تحریک انصاف کی جانب سے میر عامر خان رند نے سینیٹ کی خالی نشست پر ہونے والے انتخاب کے لئے کاغذات نامزدگی جمع کرادئیے۔

(جاری ہے)

تفصیلا ت کے مطابق پی ٹی آئی کے رہنماء سابق صوبائی وزیر میر عامر رند نے سینیٹ میں بلوچستان کی خالی نشست پر ہو نے والے انتخابات میں کاغذات نامزدگی جمع کروائیے اس موقع پر بات چیت کرتے ہوئے میر عامر رند کا کہنا تھا کہ میر نعمت اللہ زہری کی خالی والی نشست ہماری ہے اور ہم ہی کامیابی حاصل کریں گے بلوچستان میں سیاسی رواداری اور صوبے کو درپیش مسائل کے حل کے لیے اپنا کردار ادا کریں گے واضح رہے کہ پاکستان تحریک انصاف میں شامل ہونے والے رکن بلوچستان اسمبلی میر نعمت اللہ زہری کی جانب چھوڑی جانے والی سینیٹ کی اس سیٹ کی باقی ماندہ مدت دو سال ہے بلوچستان سے سینیٹ کی اس نشست پر انتخابی عمل 12 ستمبر کو ہوگا۔