امید ہے ہندوستان اور پاکستان کے حالات بہتر ہوں گے ،ْبھارتی کرکٹر

پیر 3 ستمبر 2018 13:55

نئی دہلی (اُردو پوائنٹ اخبارتازہ ترین - این این آئی۔ 03 ستمبر2018ء) بھارتی صوبہ پنجاب کے آرٹ، سیاحت و ثقافت کے وزیر اور سابق کرکٹر نوجوت سنگھ سدھونے امید ظاہر کی ہے کہ ہندستان اور پاکستان کے حالات بہتر ہوں گے۔گزشتہ روز سدھو اجمیر میں ایک نجی سکول کے پروگرام میں شرکت کے دوران صحافیوں سے بات کررہے تھے ۔انہوں نے دونوں ملکوں کے رشتوں میں بہتری آنے کی بات کرتے ہوئے اپنے دورہ پاکستان کو درست قدم قرار دیا۔

(جاری ہے)

تقریب میں انہوں نے عمران خان کے ساتھ اپنے 22سال پرانے کرکٹ رشتوں کا ذکر کرتے ہوئے کہا کہ’’میں نے اس شخص کو محنت کرتے ہوئے دیکھا ہے ، وہ دونوں ملکوں کے درمیان امن وامان اور محبت کا پیغام سمیت رشتوں میں بہتری کا راستہ نکالے گا ۔‘‘انہوں نے بتایا کہ عمران کی جانب سے امن مذاکرات پر زور نے میری امیدیں اور بڑھا دی ہیں۔سدھو نے کسی انسان کی سوچ کو خیالات سے بدلنے کی بات کرتے ہوئے کہا کہ پنجاب میں سوچ سے سوچ کی لڑائی مہم چلائی جارہی ہے جس کے ذریعہ آج کا نوجوان مثبت سوچ کے ساتھ کئی بلندیوں کو چھو سکتا ہے ۔انہوں نے کہا کہ واجپائی پاکستان گئے تو کارگل کا سانحہ ہوا، نریندر مودی لاہور گئے تو پٹھان کوٹ کا واقعہ ہوگیا، تو اس کا مطلب ہے کہ وہ دونوں بھارت مخالف تھے