برطانیہ میں اردو ٹی وی چینل کا لائسنس نشریات سے پہلے ہی منسوخ،نشریات بند

ٹی وی چینل کا لائسنس رکھنے والی برطانوی کمپنی کے پاکستانی سے قریبی تعلقات پرلائسنس منسوخ کیاگیا

جمعہ 7 ستمبر 2018 16:31

برطانیہ میں اردو ٹی وی چینل کا لائسنس نشریات سے پہلے ہی منسوخ،نشریات ..

لندن(اُردو پوائنٹ اخبارتازہ ترین - این این آئی۔ 07 ستمبر2018ء) برطانوی میڈیا کے نگراں ادارے آفکام نے ایک اردو ٹی وی چینل کا لائسنس اس کے نشریات شروع کرنے سے پہلے ہی منسوخ کر دیا ۔میڈیارپورٹس کے مطابق پروگرام کی تیاری کے دوران یہ بات سامنے آئی کہ اسی گروپ کے ایک اردو اخبار کے لندن ایڈیشن میں شائع ہونے والے چند مضامین میں القاعدہ کے بانی اسامہ بن لادن، افغان طالبان کے رہنما ملا عمر، اورمقبوضہ کشمیر میں برسرِ پیکار کالعدم شدت پسند تنظیموں کے سربراہان کی تعریف کی گئی تھی۔

اسی بنیاد پر آفکام نے 18 اکتوبر کو خود اردواخبارکے بارے میں اپنی تحقیقات کا آغاز کیا تھا اور اخبار کی انتظامیہ سے اخبار اور ٹی وی کے مابین تعلق سے متعلق وضاحت طلب کی تھی۔اخبار انتظامیہ کو سات نومبر کو ایک اور مراسلہ بھیجا گیا اور آفکام نے اپنے فیصلے میں اوصاف انتظامیہ کی طرف سے 23 اکتوبر اور 10 نومبر کو موصول ہونے والے موقف کا ذکر کیا ہے۔

(جاری ہے)

اپنے فیصلے میں آفکام نے کہا کہ ٹی وی چینل کا لائسنس رکھنے والی برطانوی کمپنی مذکورہ اخبار کے پاکستان اور لندن سے شائع ہونے والے اخبار سے قریبی تعلقات ہیں جس میں وہ مضامین شائع ہوئے تھے۔آفکام کے مطابق یہ مواد نفرت انگیزی، جرم، دہشت گردی پر مبنی افعال کے ابھارنے کے زمرے میں آتا ہے۔